Lucas 10:7 - Tagbanwa

⁷ Baw asan kamu na lamang it balay ngayan nga napaꞌabutan mi. Kaꞌnen mi baw imnun i maski unu nga itarakan it imyu, ka simpri iyan manigbuwat, may pudir ya nga tumanggap it tangdan ya. Iyan ayaw kamut tindak-tindak it balay. In ari-ari napaꞌabutan mi, asan kamu na lamang.

Lucas 10:7 Iomraidhean Croise

Marcos 6:10

Maat pay beken nga inaat ni Jesus it kanira, “Maski kasiyu nga balay i mapaꞌabutan mi, asan kamu na lamang mistar seked it limꞌid kamu siꞌ duꞌun it iyan nga lansangan.

Lucas 10:6

Ta in maꞌireg it kaꞌimbengan i tagbalay, makanira i kaꞌimbengan ngaytu, temed in ega, ta, ega naga makanira.

Lucas 9:4

Maski kasiyu nga balay i mapaꞌabutan mi, asan kamu na lamang mistar seked it limꞌid kamu siꞌ duꞌun it iyan nga lansangan.

Mga Binwat 16:15

Pagpamayaꞌ ya, nagpabawtis na, pati sira nga kat seled it pamalay-balay ya. Bawnga inupakat ya kami. Maat ya, “In leteg mit aken, namayaꞌ aku nang matuud it Ampuꞌan, duꞌun kamu na mistar it balay namen.” Sigi nang upakat yat amen, aypaꞌ nagpaꞌugad kami na duꞌun it kanira.

Mga Binwat 16:34

Bawnga piyabayaꞌ na nira na Pablo duꞌut balay ka tiyarakanan na sira. Talagang dakulaꞌ nga banar i kasagyaan nirang muꞌsa sabap it namayaꞌ na ngayti sira it Ampuꞌang Diyus.

Mga Binwat 16:40

Ta, pagkaliꞌwan na Pablo duꞌun it pirisuwan, naꞌaduꞌun sirat balay ni Lydia, ka pakikita daꞌan it mga magpamayaꞌ. Tiyuduꞌan sira na Pablo it ampang nga pakseg it pamayaꞌ nira, bawnga pagkatupus it muꞌsang kuꞌampangen nira, namagpanaw na.

Galacia 6:6

Itu pay ipagꞌaat kut imyu, iyan mga manigpangadal nga magpangadal it imyu it ampang it Ampuꞌang Diyus, kaꞌilangan bagiꞌan mi sira it in unu-unu nga kagayenan i ipiyagꞌildaw it Ampuꞌang Diyus it imyu.

1 Timoteo 5:13

Baw beken, basta mga mangaꞌwaꞌen i ipaꞌuyut mu, barang gumarus sira. Yanay maꞌrutan, tungbalay duꞌut kabebekenan. Ta wayan baꞌ magꞌadat na sirat maraꞌe-raꞌet nga pagpasilabtan i ega kanira baw maguꞌyas paꞌ.

2 Timoteo 2:6

Ta yan gasiꞌ, manigꞌuma, nga kanyay nagpakariga, simpri kanyay uꞌnang makakaꞌen in mabut nay piyakarigaan ya.