Lucas 10:42 - Tagbanwa

⁴² Temed esa-esa lamang i talagang kaꞌilangan nga buwaten. Piniliꞌ ni Maria i subraꞌ ngaytu nga magayen, nga pagpagnegan yay panulduꞌ ku, baw ega naytu awaꞌen paꞌ situt kanya i piniliꞌ ya ngaytu.”

Lucas 10:42 Iomraidhean Croise

Marcos 8:36

Ka unuy mapulus it esang taw, maski na maat makanya i muꞌsang manggad situt banwa, in maꞌilang i kiyarurwa ya ka kaꞌaduꞌun it kakuriꞌan nga egay kaskedan?

Lucas 10:39

May sulsug ni Marta ngayti nga babay gasiꞌ nga si Maria i ngaran. Magꞌaꞌdung na lamang duꞌut saru-sarungaan it Ampuꞌan nga si Jesus i buwat ni Maria ngayti ka magpagneg it ipagpangadal ya.

Lucas 11:1

Ta, may esang aldaw, nga duꞌun sira na Jesus it esang rugar, nga magpanalangin kanya. Pagkatupus ya, maat it sang kataawan nga alagad ya, “Ampuꞌan, in mapakay tulduꞌan mu naga kami it manalangin, subung it binwat ni Juan it kanya nga mga alagad.”

Lucas 12:20

Temed inaat kanyat Ampuꞌang Diyus, ‘Engel-engel ka! Sabap kayti ngaytu nga delem, baiꞌan ka na it ginawa. Ta, kasiyu nay muꞌsa ngayan nga rininut nga ipagꞌimet mu?’

Lucas 12:33

Sigi, ipaꞌalang mi nay mga kusas mi, bawnga ipamagiꞌ mit mga makukuriꞌ. Yay magayen, riminut it kamanggadan nga duꞌun it langit, nga kabilangan ya, subung it berebtangat pirak nga ega magkaranggaꞌ baw ega gasiꞌ magkawaraꞌan. Sabap iyan i kamanggadan nga ega magkatakaw baw ega magkaketket it tanga.

Lucas 16:2

Aypaꞌ ka ipiyatawag it manggaden ngayti ka piyaruri ya. ‘Unuytu,’ maat ya, ‘i magkaringid-ringid ku ngaytu sabap it imu? Kayti, ipalteg mut aken it egay kurang i pamaalaꞌ mut muꞌsang kusas ku, ka garing kayti ega na ikaw i manigpamaalaꞌ ku.’

Lucas 16:25

Temed maat gay itiyubag ni Abraham, ‘Dunguꞌ, yay demdemen mu, pangaꞌgenan mu it duꞌun pat sinirungat langit, nga nagpasamunsayaꞌ ka na. Ki Lazaro ngaytu, dakulang kakuriꞌan i liyabay ya. Temed kayti, pagbanga-bangayen nat kanya sini. Ikaw siꞌ i maglabay it ega basta-bastang kakuriꞌan.

Lucas 18:22

Pagkagneg ni Jesus kayti, maat ya siꞌ, “May esa paꞌ nga bagay nga magkakurangan mu. Ipaꞌalang muy muꞌsang mga kusas mu bawnga iyan bayad ya, pamagiꞌ-bagiꞌen mu kat mga makukuriꞌ. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Lucas 8:18

Aypaꞌ pagneg kamu it magayen. Sabap iyan taw nga pagsepsepen yay nagnegan ya situt aken, dungagan it Ampuꞌang Diyus i kasepsep ya seked magbastanti nay magkaꞌrutan ya. Temed iyan ega pagsepsepen yay nagnegan ya ngaytu, awaꞌen nat Ampuꞌang Diyus i maski iyan nga tanud ya nasepsepan ya na, isaꞌun egay lapusan ya.”

Juan 11:1

May esang taw nga magsarut, pagpangaranan it ki Lazaro. Duꞌun i pagtataꞌidan yat Betania. Yamanay iba ya, duwa nga sulsug yang mga babay nga si Maria baw si Marta.

Juan 11:19

baw dakel nga mga Judio i naꞌaduꞌun it kana Marta ngayti duwa ni Maria, ka magbanga-bangay it kanira sabap it sulsug nira ngayting natay.

Juan 12:3

Binwat ni Maria, minsiꞌ it piyakamarga na nga babangluun ka pirmira, balit mga duwang basu. Ibiyuꞌbuꞌ ya duꞌun it mga aꞌay ni Jesus. Pagkabuꞌbuꞌ ya, tiyarapuwan yat buꞌuk ya. Nanlekep nat seled it balay i banglut babangluun ngayti.

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Juan 5:24

Talagang matuud tuy itu nga ipagꞌaat kut imyu. Iyan magpagneg it mga pagꞌampangen ku baw magpamayaꞌ it nagtaꞌeg ngaytit aken, iyan i may kaꞌgenan nga egay kaskedan. Ega na ukumanan kanya it mabeꞌgat. Imbis nga panriga nga kamataynen, siguradung may magꞌaꞌareg nat kanya nga kaꞌgenan nga egay kaskedan.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

1 Corinto 13:3

U in beteꞌ ipamgay ku na i muꞌsang kusas ku nga pakaꞌnen ku i mga makukuriꞌ, baw ibgay ku beteꞌ i bilug ku kat mga kalaban ku nga antengen nira sabap it pamayaꞌ ku, in talagang egay kararas ku ngaytu, ega nagay mapulus ku nga kagayenan.

Galacia 5:6

In maglalagpit tami nat ki Cristo Jesus talagang ega nay kuwintaꞌ it pagturiꞌ ngaytu in naturiꞌan u ega. Iyan i ega matuduꞌ, kamatuudang pamayaꞌ baw pagsarig it ki Cristo ngaytu nga magkamuyaan kat kadakulat raras tat masigkataw ta.

Josue 24:15

Sana ega gantiyan mi i AMPUꞌANG DIYUS tami ngaytu it iyan mga pagbete-beteꞌen nga diyus nga sinirbiyan it mga kiyaꞌapuꞌ-apuꞌan mi duꞌun it Mesopotamia, u iyan nga pagtaꞌwagan it mga Amorreo situt banwa ngaytu nga pagtataꞌidan mi na kayti. Ta, unuy kat nakem mi kayti? Unu, kupangindiꞌ kamu? Temed aku baw muꞌsa kat pamalay-balay ku, talagang AMPUꞌANG DIYUS lamang i ameng sirbiyan.”