Lucas 10:40 - Tagbanwa

⁴⁰ Temed ki Marta, nalibeg i pikir ya nga nasasaw it pagsimpanen ya nga itarakan. Ta, yan daꞌna magkabaraꞌan kanya, nagpatpad kanya duꞌun it ki Jesus baw maat ya, “Siguru, Ampuꞌan, ega namuyaan mu nga esa-esa ku na lamang i magsimpan ka daꞌku na pagtabangan it sulsug ku ngaytu. Beteꞌ sekaten mu kanya nga tumabang nagat aken.”

Lucas 10:40 Iomraidhean Croise

Mateo 14:15

Iyan apu-apun na, nagpatpad duꞌun it ki Jesus i mga alagad ya. Maat nira, “Tabiꞌ it imu, kapupuyangtan nga rugar i sikaytu baw ungaytu na, ega na maꞌlay semdep i aldaw. In mapakay sana, papanawun mu nay mga taw ngayan nga paꞌaduꞌun sirat mga baryu ka isaꞌun makapangalang sirat makaꞌen nira.”

Mateo 16:22

Pagkagneg ni Pedro, inambayan ya si Jesus. Maat ya, “Ayaw baꞌ, Ampuꞌan! Talagang ega atkayan sana i iꞌintulut nga mabetangan mu!”

Marcos 3:21

Pagkabaritaꞌ it beken nga mga kaduguꞌan ni Jesus, inaduꞌun nira ka pagpisiꞌen, ka maat nira, “Magpulpug na bayan kanya!”

Lucas 10:38

Ta it palangbus pay panaw na Jesus baw mga alagad ya ngayti, miyabut sira duꞌun it esang baryu nga duꞌun i pagtataꞌidan it esang babay nga pagpangaranat ki Marta. Tiyanggap sira ni Marta ngayti duꞌun it balay ya.

Lucas 10:41

Temed tiyubag kanya it Ampuꞌan ngayti nga si Jesus, nga magꞌaat, “Marta, Marta, daꞌka na magkabaraꞌan ka dakel nga mga bagay i magkasasawan mu.

Lucas 12:29

Aypaꞌ kamu, ayaw kamut palibeg it pikiran mi it pangaꞌen u pagꞌimnun, baw ipaꞌalaid mi i adat nga pirming magregen.

Lucas 9:55

Temed siyarunga sira ni Jesus baw siyuraraw sira, nga magꞌaat, “Ega magkaꞌrutan mi in siyuy magpanakem it imyu it atkayan ngayan. Sabap inasitu ku, aku nga Taga Langit nga Ipiyanganak it Taw, ega maat puuꞌun ku i mga taw in daꞌga iribri sira.”

Juan 11:1

May esang taw nga magsarut, pagpangaranan it ki Lazaro. Duꞌun i pagtataꞌidan yat Betania. Yamanay iba ya, duwa nga sulsug yang mga babay nga si Maria baw si Marta.

Juan 11:5

Pagmaꞌalen talaga ni Jesus i namagsulsu-sulsugun ngayting tulu nga si Marta, si Maria baw si Lazaro na ngayti.

Juan 12:2

May binwat duꞌun nga pagkaraꞌnen, nga si Jesus i paggalangen. Magpanarakan si Marta ngayti, ki Lazaro esat mga kaꞌibaan ni Jesus it magkaꞌen.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”