Lucas 10:34 - Tagbanwa

³⁴ Inlep ya baw inubaꞌubat yat irimnun baw lana i mga bungad it taw ngayti bawnga piyamegkes. Pagkabegkes ya, ipiyasakay ya nay taw ngayti duꞌun it pagsasakayan ya nga ramu-ramu. Tiyaban ya duꞌun it esang pagpaꞌabutan nga balay nga pagbayadan i igaꞌ, ka inarigra ya duꞌun.

Lucas 10:34 Iomraidhean Croise

Genesis 42:27

Iyan delem na, nga duꞌun na sirat igaꞌan nira, inukad it sang kataawan i kanyang sakuꞌ ka begayan yat kaꞌnen i asno ya. Pagꞌukad ya, magsasagpaw naga duꞌun i ipiyagꞌalang ya ngayti!

Marcos 14:8

Kanya ngaytu, binwat ya nay kanya nga kaya. Ka biyuꞌbuꞌan ya na nga lagi i bilug ku it babangluun nga bilang pagꞌayusun ya nga lagi i parabir aku ilbeng.

Lucas 10:33

Temed ega naꞌlay, may esang Samaritano nga nakapsag gasiꞌ. Naltegan yay taw ngayti nga inatkayti it mga manigpanrangpas. Pagkalteg ya, nakasanguꞌ kanyang banar.

Lucas 10:35

Pagkadedelman, kiminwat kanya it pirak. Ibinggay ya duꞌun it tagpuꞌun it balay ngayti baw inupakat ya nga magꞌaat, ‘In mapakay, epten mu kanya. In kumurang i ituduꞌ ku ngaytu, abunuwan mu lamang. Pagpaꞌuliꞌ ku situ, gantiyan ku mana.’

Lucas 2:7

Ipiyanganak ya na i anak ya nga panganay nga lalaki. Bawnga uyun it adat nirat iting timpu, biyedbedan yat magayen it mga ramba-rambay i waꞌwaꞌ ngayti. Ipiyaliꞌtid ya duꞌun it papakaꞌnan it ayep, ka duꞌun mana ngayti i kanirang napaꞌabutan, it papaꞌlungan it mga ayep, sabap daꞌnay rugar nira duꞌun it pagpaꞌabutan nga mga seled nga duꞌut dibwat. Talagang sageksek na.

Roma 12:20

Aypaꞌ ega belsen mi, in daꞌga sunudun mi i magbebtang duꞌun it kasuratan nga magꞌaat, “In beteꞌ paggetmanan i minwat it imu it maraꞌe-raꞌet, ega ingtanan mu in daꞌga pakaꞌnen mu. In kuꞌinum kanya, paꞌimnun mu. Ta daꞌga sikayan pasli kat nakem ya i eyaꞌ nga ega pateng?”

1 Tesalonica 5:15

Inturun mi nga ega na kat nakem mi i magbeles-belesen in buwatan kamu it maꞌiba mi it maraꞌe-raꞌet. In daꞌga, in ari magayen, iyan i buwaten mi nga pirmi kat masigkataw mi, namayaꞌ u ega namayaꞌ.