Lucas 10:29 - Tagbanwa

²⁹ Ta, it ireg it manigpaꞌyag ngayti nga makalandaw i kanya nga pasepsep, iningkut ya sit sumaꞌup si Jesus, nga magꞌaat, “Ta siyu yay masigkataw ku ngayan nga kaꞌilangan nga rarasan ku?”

Lucas 10:29 Iomraidhean Croise

Marcos 8:34

Piyapaꞌadeꞌdeng ni Jesus i mga taw baw mga alagad ya ngayti baw miyampang kanya, nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Lucas 10:36

Ta kayti,” maat ni Jesus, “siyu manggid it kanirang tulu i nagpalteg it kamatuudan nga raras duꞌun it taw ngayti nga inatkayti ngaytit mga manigpanrangpas?”

Lucas 16:15

Pagkamuya ni Jesus kayti, maat yat kanira, “Kamu i pagpaꞌiguꞌan ku ngayan, nga buwat mi, pagpapamayaꞌnen mi i katataawan nga mataldeng kamu nga mga taw, isaꞌun istimaren kamut magayen. Temed ega talaga magkataguꞌ duꞌun it Ampuꞌang Diyus i karaꞌe-raꞌetan kat nakem mi. Yay matuud, iyan ipagpabetang mi nga mabantug nga ipagkatuꞌgud it imyu it mga taw, maraꞌway nga maraꞌway yan kat panleteg it Ampuꞌang Diyus.

Roma 10:3

Sabap imbis nga kilalaen nira i ipiyaꞌrut it Ampuꞌang Diyus it kanira in magꞌuꞌunu tumaldeng i taw kat panleteg ya, yagay piyaꞌresan nira, sadili nirang pabetang-betang nga pagsunud nirat mga urdin. Ega maat pagpaꞌuyunan nira i pabetang-betang it Ampuꞌang Diyus in magꞌuꞌunu mapisiꞌ i italdeng ngaytu.

Roma 4:2

Ka in maat sabap it kaꞌustuꞌang pagsunud ya it mga urdin ipiyabetang si Abraham ngaytu nga mataldeng kat panleteg it Ampuꞌang Diyus, simpri may ipagkapalandi-landi ya na. Temed ega maat ipiyabetang kanya nga mataldeng sabap it kaꞌustuꞌan i pagsunud ya.

Galacia 3:11

Ta daꞌga maꞌyag nga in atkayan, egay maski esa nga pagkilalaen it Ampuꞌang Diyus nga mataldeng in sabap it pagsunud yat mga urdin, in daꞌga sabap it pagsarig baw pamayaꞌ yat Ampuꞌan. Sabap magꞌaat i magbebtang duꞌut kasuratan, “Iyan taawan ku nga ipagpabetang ku na nga mataldeng, yay magdadaꞌeg kat nakem ya, pamayaꞌ baw pagsarig yat aken.”

Santiago 2:24

Ta nasepsepan mi na nga ipagpabetang i esang taw nga mataldeng basta may pagbuwaten ya nga ipagpamatuud it maratuudan talagay pamayaꞌ ya. Ega maat sabap it pamayaꞌ nga desang pakimatuud lamang.