Lucas 10:27 - Tagbanwa

²⁷ “Yay magkabasa ku duꞌun,” maat i tubag it manigpaꞌyag ngaytit urdin, “iyan magꞌaat nga, ‘Kaꞌilangan maꞌalen mu i Ampuꞌang Diyus mu, it ega desang awam, in daꞌga talagang kat nakem baw pikir mu nga tingled, baw kat muꞌsang keseg mu.’ Baw itu gasiꞌ nga, ‘Rarasan mu i masigkataw mu it subung nagat raras mu it sadili mu nga bilug.’”

Lucas 10:27 Iomraidhean Croise

Mateo 19:19

Galangen mu i amaꞌ baw inaꞌ mu, baw rarasan muy masigkataw mu it subung nagat raras mu it sadili mu nga bilug.”

Lucas 10:26

Tiyubag kanya ni Jesus, nga magꞌaat, “Unuy magbebtang nga magsusurat duꞌun it mga urdin? Unuy magkabasa mu duꞌun?”

Roma 13:9

Ka panawun it pikiran mi i mga urdin ngayang magꞌaat, “Kuydaw ka it pamakun duꞌun it ega asawa mu, kuydaw ka it pangimatay it masigkataw mu, kuydaw ka it panakaw,” baw “kuydaw ka it kaꞌirak.” Ta mga itu ngaytu, baw maski unu pang urdin nga beken nga subung nat mga itu ngaytu, egay beken nga uliꞌan in daꞌga itu na, “Rarasan mu i masigkataw mu it subung nagat raras mu it sadili mu nga bilug.”

Galacia 5:13

Mga sulsug ku, kat pabetang-betang it Ampuꞌang Diyus, liꞌwan kamu na kat panguripen it mga urdin ngayti nga ipiyaskel it ki Moises. Temed maski atkayan na, ega pikiren mi nga mapakay nang sumbayaꞌen i maski unu nga maraꞌway nga kaꞌirgan it bilug, in daꞌga, kat kadakulat raras mi it maꞌiba mi, magsigsirbi kamu it esa may esa.

Deuteronomio 10:12

Maat siꞌ ni Moises, “Bangsa nga Israel, itu i kaꞌirgan it AMPUꞌANG DIYUS mu nga ugaliꞌen mu. Galangen mu kanya it may iꞌlam baw mangaꞌgenan uyun kat kaꞌirgan ya. Maꞌalen baw sirbiyan mu kanya it ega desang awam, in daꞌga kat nakem mu nga tingled.

Deuteronomio 6:4

Pagneg kamu it magayen, bangsa nga Israel. Iyan AMPUꞌANG DIYUS tami, kanya lamang i matuud nga Ampuꞌang Diyus. Ega nay beken.

Deuteronomio 6:5

Kaꞌilangan maꞌalen mu kanya it ega desang awam, in daꞌga kat nakem mu nga tingled baw kat muꞌsang keseg mu.

Hebreo 8:10

Ituꞌun siꞌ i ipakiꞌupakat ku it mga Israelita kat pagdadarapaꞌen. Mga urdin ku, idawaꞌ ku na kat ulu nira baw ipatdek ku nang banar kat nakem nira. Sakpen ku sira it ega basta-bastang pagsakep it kamatuudang Ampuꞌan, baw ipabetang ku sira nga mga taawan ku nga pagꞌarigraen ku nang banar.

Santiago 2:8

Talagang magayen i pagbuwaten mi in pagsunudun mi i mataꞌas nga ipiyagꞌurdin it Ampuꞌang Diyus nga isiyurat duꞌun it kasuratan ngayang magꞌaat, “Rarasan mu i masigkataw mu it subung nagat raras mu it sadili mu nga bilug.”

1 Juan 3:18

Kamu nga bilang anak ku, iyan bay magayen, ega desang ipagsugid ta nga magsigraras tami, in daꞌga ipagpalteg ta kat mga pagbuwaten ta nga kamatuudan i raras ta ngaytu.