Lucas 10:24 - Tagbanwa

²⁴ Kamatuudan talagay isugid kut imyu, nga dakel i mga prupitaꞌ baw mga adiꞌ it tagnaꞌ paꞌ nga ireg nira sana makalteg it magkaltegan mi ngaytu kayti, temed ega naltegan nira. Baw ireg nira makagneg it mga magkagnegan mi ngaytu kayti, temed ega gasiꞌ nagnegan nira.”

Lucas 10:24 Iomraidhean Croise

Mateo 13:16

Temed talagang magkasagya kamuy imyu ka subuk magkalteg baw magkagneg kamu, ka magkasepsepan mi i mga kamatuudan ngaytu.

Lucas 10:23

Nanarunga si Jesus duꞌut mga alagad ya baw kimnidem-kidem, nga magꞌaat, “Talagang magkasagya kamuy imyu sabap it magpasar kat mga mata mi i mga pagbuwaten ku.

Lucas 10:25

Bawnga timnindeg i esang manigpaꞌyag it urdin ka mingkut it sukda-sukdan yat ki Jesus. “Manigtulduꞌ,” maat ya, “unuy magayen nga buwaten ku isaꞌun maꞌaken i kaꞌgenan nga egay kaskedan?”

Juan 8:56

Nakasagyay amaꞌ mi nga si Abraham iyan naꞌrutan ya nga maltegan yay aldaw it pamaꞌasitu ku. Talagang naltegan ya, aypaꞌ ka nakasagya kanya.”

Hebreo 11:13

Sira ngaytung siyanggupan, seked it aldaw nga natay sira teꞌteꞌ talagay pamayaꞌ nirat inaat it Ampuꞌang Diyus. Ka maski ega nagꞌabut kat timpu nira i mga isiyanggup yat kanira temed atnat magkalawag na nira baw pagpaꞌbutun nira it masagyay nakem. Talagang natantuwan nira nga sira, dumadayuꞌ lamang baw subung lamang sira it magpangintataawan situt banwa.

Hebreo 11:39

Itu nga mga taw, talagang siyagyaan nga banar it Ampuꞌang Diyus i kakseg it pamayaꞌ baw pagsarig nirat kanya. Temed maski atkayan, ega natuman ya kat timpu nira i isiyanggup ya.