Lucas 10:20 - Tagbanwa

²⁰ Temed ega maat sagyaan mi nga magsukuꞌ nat imyu i mga maraꞌe-raꞌet, in daꞌga yay sagyaan mi, nakasurat na i ngaran mi duꞌun it langit.”

Lucas 10:20 Iomraidhean Croise

Exodo 32:32

Temed kayti pagꞌangut-angutun ku nga in mapakay naga, pasinsiyaen mu naga sira. In ega na mapasinsiya mu, ta buraen mu na lamang i ngaran ku asat pagsuratan mu it mga ngaran it mga taawan mu nga pagꞌildawan mu.”

Isaias 4:3

Kat iyan nga aldaw, muꞌsang ipiyaꞌped ngayan nga mga taw duꞌun it Sion, nga magtataꞌid paꞌ duꞌun it Jerusalem, ipabetang nga ega nay kakasalaꞌan kat panleteg it AMPUꞌANG DIYUS, kumpur ipiyabetang-betang ya nga maꞌgen.

Mateo 10:1

Kaꞌsa, tiningped ni Jesus i mga alagad ya, ka piyamgayan ya sira it pudir nga ipagkaꞌimugaw it mararaꞌe-raꞌet kat mga taw nga pagpapulpugun, baw makapagayen it maski unu nga kalasit sarakiten.

Mateo 26:24

Talagang maꞌimatay aku nga Taga Langit nga Ipiyanganak it Taw, ka simpri matuman i duꞌun it isiyurat nga ampang it Ampuꞌang Diyus. Temed talagang subraꞌ nga makuriꞌ i magꞌaꞌareg it bayaꞌen ngayan. Magayen pay ega na lamang ipiyanganak i iyang taw.”

Mateo 27:5

Ta it atkayti, ipiyagwaꞌsag ni Judas i pirak ngayti duꞌun it seled it Templo, bawnga napanaw na kanya, ka tininggel yay liꞌeg ya ka nangeget na.

Filipos 4:3

Baw ikaw, Susugus, nga matuud nga katabyang ku, may ipagpakiꞌupakat ku gasiꞌ it imu. Beteꞌ tabangen mu i duwang kababayan ngaytu nga magkagayen na sira. Ka sira ngaytu, dakulaꞌ talagay tabang nirat aken kat pangadal ku it Magayen ngaytu nga Baritaꞌ. Subung gasit ki Clemente baw beken paꞌ nga magtabang it aken. Talagang pagsisiguruun ku nga mamagsusurat nay mga ngaran nira duꞌun it pagsuratat mga ngaran it kumpur mabgayan it kaꞌgenan nga egay kaskedan.

Hebreo 12:23

Aten nga piyatpadan, pagtingpedan it muꞌsa nga ipagpabetang it Ampuꞌang Diyus nga mga panganay ya, nga maglilistaꞌ i mga ngaran nira duꞌun it langit. Nakapatpad tami na duꞌun it Ampuꞌang Diyus nga Manigꞌukuman it muꞌsang taw, baw duꞌut kadaklan it mga magpamayaꞌ nga miyatay na nga, lamang ega pay panlangit nga bilug, temed binggayan nat kakumplituwan it kanirang karibriyan.

Mga Ipiyalteg 13:8

Aypaꞌ sambaen kanyat muꞌsang katataawan situt sinirungat langit, puyrat iyan mga taw nga, parabir giyuna i banwa, mamagsusurat na i mga ngaran nira duꞌun it pagsusuratan it mga ngaran it kumpur mabgayan it kaꞌgenan nga egay kaskedan. Itung kasuratan, pagꞌaꞌarigraen it paꞌaaten nga Uꞌuybun It Tupa nga inimatay it tagnaꞌ.

Mga Ipiyalteg 17:8

Iyan ramu-ramu ngayan nga naltegan mu, egen payan it tagnaꞌ temed kayti, patay na. Takaꞌ manliꞌwan nagaytu it sumaꞌup nga garing duꞌut piyakamalgeb ngayting siwang, ka tabanen duꞌun it dakulang karigaan nga egay katupusan. Ta, maliluꞌ i mga taw kat sinirungat langit nga ega mamagsusurat i mga ngaran nira duꞌun it pagsusuratan it mga ngaran it kumpur mabgayan it kaꞌgenan nga egay kaskedan, garing pat pagguna it banwa. Maliluꞌ sira pagkalteg nirat kumakaꞌen ngaytung ramu-ramu sabap tagnaꞌ egen paꞌ bawnga natay na, temed nanluꞌsut siꞌ.

Mga Ipiyalteg 20:12

Bawnga sumunud siꞌ nga naltegan ku, muꞌsang mga miyatay na nga taw, mamagtitindeg sira duꞌun it sarungaan it araꞌdungan ngaytit adiꞌ. Mataꞌas baw mga timawaꞌ, duꞌun nga muꞌsa. Pagleteg ku, biyukaꞌ i mga kasuratan nga pagluulunun. Bawnga biyukaꞌ nay iyan sangbat nga pagsuratan it mga ngaran it kumpur mabgayan it kaꞌgenan nga egay kaskedan. Bawnga biyetanganan it ukuman i mga taw uyun kat kanya-kanyang binwat, iyan egen paꞌ, nga magsusurat duꞌun it mga kasuratan ngayti.

Mga Ipiyalteg 20:15

Baw iyan ega magsusurat i ngaran duꞌun it pagsuratan it mga mabgayan it kaꞌgenang egay kaskedan, itiyalpak na gasiꞌ duꞌun.

Mga Ipiyalteg 21:27

Temed talagang ega makasled duꞌun i maski unu nga maraꞌway kat panleteg it Ampuꞌang Diyus, maski siyu nga magbuwat it kaꞌeyaꞌ-eyaꞌ u maski siyu nga maꞌambut, in daꞌga iyan lamang magsusurat i ngaran duꞌun it pagsuratat kumpur mabgayan it kaꞌgenan nga egay kaskedan, nga kasuratan ngaytu pagꞌaꞌarigraen it paꞌaaten ngaytung Uꞌuybun It Tupa.

Mga Ipiyalteg 3:5

Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung papakayan ku kanya it pakayan nga maputiꞌ baw ega buraen kuy ngaran ya kat pagsuratat mga pagbegayan it kaꞌgenan nga egay kaskedan. Baw ipamatuud ku kat adapan it Amaꞌ ku baw mga anghil ya nga pagkilalaen ku talaga kanya nga aken nayan.