Lucas 10:2 - Tagbanwa

² Maat ya it kanira, “Kadakel it mga taw nga kupagneg it Magayeng Baritaꞌ, subung sirat lutuꞌ na nga tirigu. Dakulaꞌ talagay kaygen temed ega dakel i mga manigkayeg. Aypaꞌ magayen nga buwaten mi, pasanguꞌ-sanguꞌ kamu duꞌun it Ampuꞌang Diyus nga kanyay tagpuꞌun it kaygen ngaytu. Angutun mi nga tumaꞌeg na kanya it beken nga mga subuk manigkayeg ya nga mangadal gasiꞌ.

Lucas 10:2 Iomraidhean Croise

1 Mga Adiꞌ 18:22

Maat pang beken ni Elias ngayti, “Subuk aku na lamang ngaytu i naꞌped kat mga prupitaꞌ it AMPUꞌANG DIYUS. Ituꞌun, prupitaꞌ ni Baal ngaytu, epat nga gatus baw limang puluꞌ sirang muꞌsa.

Mateo 20:1

May piyaꞌalimbawaan siꞌ ni Jesus, nga magꞌaat, “Iyan kaꞌadiꞌan it Ampuꞌang Diyus, subung it itu ngaytu. Madlem paꞌ, nagbangun nay tagpuꞌun it esang kalulwakan nga ubas ka tumulus it murnal.

Marcos 13:34

Ka kaꞌalimbawaan yaytu, taw nga nagpana-panaw duꞌun it alaid na nga rugar. Ipiyabalaꞌ yat mga uripen ya i pamalay-balay ya nga binggayan ya sira it kanya-kanyang pagsarungaen, baw ibiyenge-bengel ya it guwardiya it salakwatan nga pirmi nga alistu.

Marcos 16:15

Bawnga maat ni Jesus it kanira, “Lekpen mi i muꞌsang banwa ka ipangadal mi i Magayen nga Baritaꞌ kat muꞌsang mga taw situt sinirungat langit.

Marcos 16:20

Nanlekep-lekep na nga matuud i mga alagad ngayti, ka nangadal na kat paꞌari-aring rugar. Talagang pagtabangen naga sira it Ampuꞌan it iti nga buwaten. Ipagpamatuud yay ampang ngayti nga ipagpangadal it mga alagad kat kakayaan nga magkabwat it mga kalililuꞌan nga bagay, nga ipiyagꞌildaw yat kanira.

Lucas 9:1

Tiningped ni Jesus i sang puluꞌ baw duwa ngayting mga alagad ya baw piyamgayan ya sira it pudir baw kakayaan nga magkaꞌimugaw it muꞌsang mga maraꞌe-raꞌet baw makapapdek it mga sarut.

Mga Binwat 11:19

Ta, yan beken nga mga magpamayaꞌ ngayting natari-tariwanak sabap it pakuriꞌ ngaytit kanira, nga nagpapuꞌun duꞌun it pagꞌimatay it ki Esteban, alaid na nga mga banwa i naꞌbut nira. May nakaꞌbut duꞌun it Fenicia. Iyan beken, naꞌaduꞌut pulaw it Chipre. Baw maski duꞌut Antioquia, may nakaꞌbut na duꞌun. Kada maꞌbut nirang banwa, ipagpangadal na nira duꞌun i Magayeng Baritaꞌ pasar it ki Jesus. Temed mga Judio lamang i pamagtulduꞌan nira.

Mga Binwat 13:2

Kaꞌsang mamagsamba sirat Ampuꞌan baw mamagpuwasa, inaat sira kat panakem it Espiritu Santo, “Kayti, ipasiguru mi nat aken si Bernabe baw si Saulo, ka buwaten na nira i ipiyabetang-betang ku nga ipabwat kut kanira.”

Mga Binwat 13:4

Kat panakem it Espiritu Santo ngayting nagpapanaw it kanira, uꞌnang inaduꞌunan nira, Seleucia. Garing duꞌun, namagpanakay sira nga nagpaꞌaduꞌun it pulaw it Chipre.

Mga Binwat 20:28

Aypaꞌ kayti, yan pagꞌiꞌinturun mi nga pirmi i sadili mi nga pamayaꞌ, baw pagꞌiꞌipaten mi gasiꞌ i pamayaꞌ it kadakel it mga magpamayaꞌ asan it Efeso nga ipiyasakep it Espiritu Santo it imyu nga mga magpamaalaꞌ. Arigraan mit magayen i mga subuk inalang ngaytit Ampuꞌang Diyus isaꞌun kanya nang taawan, nga egay beken nga ipiyagꞌalang ya, in daꞌga duguꞌ it sadili yang Anak nga si Jesus.

Mga Binwat 22:21

Temed maat ya sit aken, ‘Mapanaw ka kayti, ka duꞌun i pagtaꞌgan kut imu it mangadal, duꞌut babanwaan it mga taw nga ega Judio.’”

Mga Binwat 8:4

Ta, mga natariwanak ngayti, kada banwang maꞌbut nira, ipagpangadal nirat mga taw i ampang it Ampuꞌang Diyus.

1 Corinto 12:28

Baw magayen i pabetang-betang it Ampuꞌang Diyus kat aten ngaytung muꞌsa nga magpamayaꞌ it ki Cristo. Ka dakel i ipiyaskel ya nga katengdanan u kakayaan. Uꞌnay mga apustul, ikadwa iyan mga prupitaꞌ nga pagpanakman ya it ipagpaꞌrut ya duꞌut kadakel, baw ikatlu, mga manigpangadal it ampang ya. Nagpatindeg gasiꞌ kanya it iyan mga magkabwat it mga kalililuꞌang bagay, mga magkapagayen it mga magsarut, mga magkaꞌrut tumabang it maꞌiba nira it masagyay nakem, mga magkaꞌrut tumaban it maꞌiba nira kat buwaten it Ampuꞌan, baw mga iyan magkaꞌampang it belag-belag nga ampang nga ega naꞌadalan.

1 Corinto 15:10

Temed, sabap it subrang kaꞌildaw it Ampuꞌang Diyus, ipiyatindeg ya aku nga apustul, nga kayti, magsirbi nga banar it kanya. Ega naga nagbaraꞌ nga egay kakapulusan i ildaw ya ngaytu it aken. Talagang nagpaꞌres aku it subraꞌ paꞌ it maski siyu nga mga apustul ngaytu. Takaꞌ egaytu maat sadili ku nga kakayaan, in daꞌga tabang tu it Ampuꞌang Diyus it aken.

2 Corinto 6:1

Ta, it kami, mga manigbuwat na kat buwaten ngaytu it Ampuꞌang Diyus, maseked-seked gasiꞌ nga ipagpakiꞌupakat namen it imyu, kamu nga timnanggap na it ildaw it Ampuꞌang Diyus. Ega sana desang kalabtaꞌen mi i ildaw ya ngaytu, ka in atkayan limiꞌwan nga egay kapulusan.

Filipos 2:21

Ka kadaklan it mga beken, iyan lamang i pagsarungaen nirang pirmi, sadili nirang kaꞌirgan, ega maat mga bagay nga ikasagya ni Jesu-Cristo.

Filipos 2:25

Ta, si Epafrodito, nga sulsug tami kat pamayaꞌ nga piyapaꞌasini mi ngayan nga timnaban it tabang mit aken baw tumabyang it aken kat buwaten ku sini, talagang dakulaꞌ nga banar i tabang yat aken. Baw matuud nga, maski dakel i magpakikuntraꞌ, magayen kanyang iba-iba ku kat panindeg it Magayeng Baritaꞌ. Temed pagpikiren ku nga kaꞌilangan paꞌuliꞌen ku na asan.

Filipos 2:30

Ka si Epafrodito ngaytu, ipinirinda ya na talagay bilug ya. Unuka ega aaten ku it, sarut ya ngaytu, ega nay pasubrang eget kat paꞌres ya lamang it buwaten ngaytu ni Cristo, baw iyan tiyaꞌgan mit kanya nga sabap it kutabang mit aken.

Colosas 1:29

Aypaꞌ pagpaꞌresan ku nga banar i katengdanan ku ngaytu kat keseg it ega basta-bastang kakayaan nga ipagbegay ni Cristo it aken.

Colosas 4:12

Iyan kabanwa mi ngaytung si Epafras, nga esa gasing manigsirbi ni Cristo Jesus, magkumusta gasit imyu. Talagang papaꞌres nay panalangin yat imyu asan nga magmapaꞌgen i pagsarig mit Ampuꞌan baw magpamayaꞌ kamu it ustung pamayaꞌ, nga magkasepsepan mi nga banar i kaꞌirgan ya.

1 Tesalonica 2:9

Siguru ega payan nalipatan mi, mga sulsug namen kat pamayaꞌ, i namuyaan mi nga delem-aldaw papaꞌres talagay buwat namen, isaꞌun mintras ipagpangadal namen it imyu i Magayen ngaytung Baritaꞌ, magkapanulus kami gasiꞌ it ipagkaꞌgen namen, isaꞌun daꞌkami mabwat nga kasasawan it maski siyu.

1 Tesalonica 5:12

Pangiyaꞌpusang makatulduꞌ namen it imyu, mga sulsug kat pamayaꞌ, nga beteꞌ kilalaen mit magayen i mga binggayat pudir nga magpaꞌres it buwaten it Ampuꞌan asan. Ka sira ngaytu, simpri Ampuꞌan i miniliꞌ baw nagpatindeg it kanira nga mamaalaꞌ baw manulduꞌ it imyu.

2 Tesalonica 3:1

Paꞌugdun ku paꞌ nga beken, mga sulsug kat pamayaꞌ, pagꞌangutun namen it imyu nga ipagpanalangin mi kami isaꞌun madali-daliꞌ nga kapanlekep kat muꞌsa nga rugar i ampang ngaytu it Ampuꞌang Diyus, baw masagya gasiꞌ nga tanggapen nira it may galang nga subung it imyu.

1 Timoteo 4:10

Aypaꞌ ka pagpaꞌresan baw pagꞌapasen tami i buwaten it Ampuꞌang Diyus nga egen it egay kaskedan, sabap teꞌteꞌ i kasiguruwan ta duꞌun it kanya nga begayan ya kita it karibriyan kat pagdadarapaꞌen. Ka yay kaꞌirgan it Ampuꞌang Diyus, maribri yay muꞌsang taw, baw iribri yang matuud i kumpur mamayaꞌ baw sumarig it kanya.

2 Timoteo 4:5

Temed ikaw, kaꞌilangan maꞌintur ka, nga pagsupilen mu nga pirmi i sadili mu. Sagkaꞌen mu lamang i muꞌsang kakuriꞌan nga magꞌabut it imu. Kaꞌilangan sarungaen mut magayen i katengdanan mu nga manigpangadal it Magayen ngaytung Baritaꞌ baw manigsirbi it Ampuꞌang Diyus.

Filemon 1:1

Pagmaꞌalen nameng iba-iba nga si Filemon, nga kasubung namen nga manigbuwat it buwaten it Ampuꞌan, wayan i surat namen, aku nga si Pablo, nga pagpipirisuun sabap it pagsirbi kut ki Cristo Jesus, baw sulsug ta kat pamayaꞌ nga si Timoteo.

Hebreo 3:6

Temed si Cristo ngaytu, kamatuudan gasiꞌ i pagsirbi ya, takaꞌ ega lamang manigsirbi kanya kat pamalay-balay it Ampuꞌang Diyus in daꞌga pagbayaꞌen, ka Anak kanya it Tagbalay. Ta kita na ngaytu i paꞌaaten nga pamalay-balay it Ampuꞌang Diyus in seklen tat maꞌingget baw ega ipagꞌeyaꞌ tami i pagsunud tat kanya, baw ipagꞌunay tat masagyang-masagya i pagꞌinawar tami it muꞌsa nga isiyanggup yat aten.

Mga Ipiyalteg 2:1

Bawnga inaat yat aken, nga magꞌaat, “Ituy ibtang mu asat surat nga ipataban mu duꞌun it manigpamaalaꞌ it mga magpamayaꞌ it aken duꞌut Efeso. Aaten mu nga, ‘Ituy ipagkusugid it iyan kanya nga may sekel ngaytu kat iwanan nga alima ya nga pitung kabituꞌunan, kanya ngaytung magpanaw kat piyagtenga-tengaꞌan it pitung titidawan nga magtitindeg i dadaꞌtunan nira nga purus bulawan i binwat.