Lucas 10:15 - Tagbanwa

¹⁵ Baw kamu nga taga Capernaum, daꞌga baꞌ subuk magrarapat nat langit i kataꞌasan mi? Temed ta, iꞌlug kamu lamang duꞌun it egay pasubraꞌ nga karigaan.”

Lucas 10:15 Iomraidhean Croise

Genesis 11:4

Pagkamuya nirat magkabwat sirat iting mga bagay, namagꞌupa-upakaten siꞌ sira. “Esa-esa ga,” maat nira, “magbuwat tamit magayeng lansangan baw patindeg tamit balay nga ega basta-basta i kaꞌabwat nga kaꞌbut duꞌut langit i alibubungan ya, isaꞌun matanug tami baw ega na matariwanak situt sinirungat langit.”

Mateo 10:28

Ayaw kamut iꞌlam it taw nga magꞌimatay it bilug, temed ega magkaꞌimatay it kiyarurwa. Iyan talagay iꞌlaman mi, Ampuꞌang Diyus, nga kanya i magkaranggaꞌ it kiyarurwa baw bilug duꞌun it apuy nga ega magpamu-pamugdaw.

Mateo 11:23

Baw kamu, mga taga Capernaum, daꞌga baꞌ subuk nakarapat it langit i kataꞌasan mi? Temed ta, iꞌlug kamu lamang duꞌun it egay pasubraꞌ nga karigaan. Ka in beteꞌ duꞌun lamang it Sodoma it tagnaꞌ paꞌ i binwatan it mga kalililuꞌan ngaytung bagay nga binwat situt imyu, nagsinguliꞌ na sira it kasalaꞌan nira isaꞌun ega ranggaꞌen it Ampuꞌang Diyus i siyudad nira ngayti, naneꞌteꞌ paꞌ it seked kayti.

Mateo 4:13

Inabut ya, duꞌun nagat Nazaret. Takaꞌ ega na timnakenaꞌ duꞌun. Nagpaꞌugad na duꞌut Capernaum. Iti nga lansangan, duꞌun it tambing it Lapnaw it Galilea, baw sakep it nagtepad nga lugtaꞌ nga kabagiꞌan it kuyunan nga mga tungtung-inapuꞌ ni Zabulon baw ni Neftali it tagnaꞌ paꞌ.

Lucas 13:28

Siguradu nga sumgaw kamu baw gemeget i nipen mi basta naltegan mi nga duꞌun it kaꞌadiꞌan it Ampuꞌang Diyus na Abraham, si Isaac baw si Jacob, baw muꞌsa nga mga prupitaꞌ, temed kamu, pangimugawun kamuy imyu ka ega talaga pasleden.

Lucas 16:23

Kat paglabayen it manggaden ngayti nga kakuriꞌan duꞌun it panriga ngayting apuy nga egay kapugdawan ya, nalawag ya duꞌut alaid si Abraham baw si Lazaro nga nagsagpun sira.

2 Pedro 2:4

Dedemdemen mi tu, nga iyan tagnaꞌ paꞌ, may nagkasalaꞌan nga mga anghil, temed daꞌsira piyataꞌnan it Ampuꞌang Diyus. In daꞌga pinirisu ya sira duꞌun it piyakamalgeb nga siwang. Ta duꞌun paꞌ sira it kadleman ngayti, seked mabut i aldaw nga ipangukuman.