Lucas 1:80 - Tagbanwa

⁸⁰ Ta, dimnakulaꞌ i waꞌwaꞌ ngayti baw magayen talagay adat ya. Iyan ustuꞌ na kanya, duꞌun nay taꞌid-taꞌid ya it rugar nga kapupuyangtan, seked it aldaw nga papuꞌun na kanya nga mangadal nat mga kabanwa ya nga mga tungtung-inapuꞌ ni Israel.

Lucas 1:80 Iomraidhean Croise

Mateo 11:7

Pagkagaring it mga alagad ngayti ni Juan, may inaat ni Jesus it kadaklan ngaytit mga taw pasar it ki Juan. Maat ya, “Iyan namagpaꞌaduꞌun kamu it ki Juan duꞌun it rugar nga kapupuyangtan, unuy pagtulusun mi duꞌun? Taw nga alang-alang, nga subuk rabung nga magduyug-duyug ka pagpesagen it deres? Simpri ega.

Mateo 3:1

Kat iti nga timpu, si Juan nga uꞌna-uꞌnang namawtis, nagpapuꞌun na kanyat mangadal, duꞌun it rugar nga kapupuyangtan nga duꞌut Judea.

Lucas 1:15

Ka mataꞌas kanya kat panleteg it Ampuꞌang Diyus. Ega yan mapakay nga minum kanyat maski unu nga kalasit irimnun nga kalalangu. Ka pagbebtengen payan kanya, pagsasaruman nat Espiritu Santo.

Lucas 2:40

Dimnakulaꞌ si Jesus ngayti nga makulaꞌsi baw ega basta-bastay kasepsep ya, ka pirming pagtabangen it Ampuꞌang Diyus.

Lucas 2:52

Magdakulaꞌ si Jesus ngayti, magdungag gasiꞌ i kasepsep ya. Talagang pagsagyaan kanya it Ampuꞌang Diyus baw mga taw gasiꞌ.

Juan 1:31

Tagnaꞌ maski aku ngaytu, ega naꞌrutan ku in siyuy mabut ngayan, temed pagbuwaten ku ngaytu kayti, nga magpamawtis situt danum, ipagpakilala kuytu kanya it bangsa nga Israel.”

Mga Binwat 18:28

Kamatuudan, kat mata baw talingat kadakel, pagdaꞌgen yay muꞌsang pakibatir it mga Judio ka ipagpamatuud yang banar kat paꞌyag yat mga kasuratang ampang it Ampuꞌang Diyus nga si Jesus nga matuud i Cristo ngayting Manriribring Adiꞌ nga isiyanggup it Ampuꞌang Diyus.

1 Samuel 2:21

Nagmatuud nagay inaat ngayti ni Eli it kanira. Inildawan naga sira it AMPUꞌANG DIYUS it beken nga anak, ka manganak siꞌ si Ana ngayti, tuluy lalaki baw duway babay. Si Samuel ngayti, nagꞌustuꞌ kanyang taw kat pagtarima it AMPUꞌANG DIYUS.