Lucas 1:78 - Tagbanwa

⁷⁸ Sabap talagang maꞌildaw nga banar i Ampuꞌang Diyus tami. Kamatuudan, kat pabetang-betang ya, subuk magpangyag na situt aten nga subuk aldaw na i panribri ya ngaytu.

Lucas 1:78 Iomraidhean Croise

Isaias 11:1

Iyan pagkaꞌadiꞌ it kaduguꞌ-duguꞌan ni David, kabilangan ya, subuk begtek it kayu nga piyukan. Temed kat kaduguꞌ-duguꞌan naga ni David, limiꞌwan i esang adiꞌ nga kabilangan ya, esang tumunas siꞌ nga kayu duꞌun it tuꞌud ngayti it kayu nga piyukan.

Juan 3:16

Ka talagang pagrarasan nga banar it Ampuꞌang Diyus i muꞌsang taw situt sinirungat langit. Aypaꞌ ibinggay yay Anak ya nga paeꞌesa-esa, isaꞌun in siyuy mamayaꞌ baw sumarig it kanya, ega kaꞌaduꞌun it kakuriꞌan, in daꞌga mabgayan kanyat kaꞌgenan nga egay kaskedan.

Efeso 5:14

Subung tu it mga ampang ngayan nga magꞌaat, “Masulag ka na, ikaw nga maꞌlek pay igaꞌ. Ikaw nga patay, magꞌegen ka na. Siguradu nga eyagan kang banar ni Cristo.”

Filipos 1:8

Magkaꞌrutan tu it Ampuꞌang Diyus nga dakulaꞌ talagang iwas kut imyu. Yay matuud, pagmaꞌal kut imyu, agen-agen nat pagmaꞌal ni Cristo Jesus it imyu.

Filipos 2:1

Ta unu, pakilagpit mit ki Cristo, magkabgay it imyu it pagkesgan it nakem mi? Unu, magkapasagya it imyu i kadakulat raras ya ngaytu? Unu, pagsasaruman baw pagtabangen kamu na nga matuud it Espiritu Santo? Unu, magkaꞌildaw kamu, nga may magpangbit na kat nakem mi nga kutabang kamu it beken?

Colosas 3:12

Aypaꞌ kamu nga piniliꞌ it Ampuꞌang Diyus, paribasay pagrarasan ya kamu baw subuk ipiyapinpin ya nga mga taawan ya na, kaꞌilangan masakit kat nakem mi i makuring kabetangan it mga maꞌiba mi baw maꞌildaw kamu it kanira. Baw gasiꞌ mapiyababaꞌ kamu na, nakman kamu nang nakman, baw ega makusked.

2 Pedro 1:19

Kat nagpasar ngayti kat mata namen, subraꞌ na nga pagsisiguruun namen nga talagang kamatuudan i mga kasuratan nga ampang it mga prupitaꞌ. Aypaꞌ idawaꞌ mit magayen kat ulu mi. Ka mga kasuratan ngaytu, kabilangan nira, tidaw nga magꞌeꞌyag it aten mintras delemen paꞌ, seked it magpangeyag-eyag na. Bawnga singkaran tamit Buntatalaꞌ, nga ireg sugiden, kabantugan ni Jesu-Cristo kat pamaꞌuliꞌ ya situ.

1 Juan 3:17

Temed in beteꞌ pagpabaya-bayaꞌan ta na lamang i mga makukuriꞌ nga kabetangan it mga sulsug ta kat pamayaꞌ, ka maski may kaya ta, pagꞌaligan tami nga itabang it kanira, in atkayan magꞌuꞌunu maꞌaat tami nga may pagmaꞌal ta nat Ampuꞌang Diyus?

Mga Ipiyalteg 22:16

Talagang aku nga si Jesus i timnaꞌeg it anghil ku ngaytu, isaꞌun kapatantu it imyu nga mga gurupu it mga taawan ku nga magpamayaꞌ it aken i itung mga bagay. Talagang liniꞌwanan ku, adiꞌ nga si David, ka matuud nga tungtung-inapuꞌ ya naga aku. Esa gasiꞌ nga panaꞌwag it aken, Magsinggat nga Buntatalaꞌ.”