Lucas 1:77 - Tagbanwa

⁷⁷ Ka itulduꞌ mut mga taawan ya i dalan it karibriyan baw kapasinsiyaan it mga kasalaꞌan nira.

Lucas 1:77 Iomraidhean Croise

Jeremias 31:34

Ega na maat kaꞌilangan paꞌ nga itulduꞌ it maski siyu it mga kabanwa ya, u iꞌaat ya paꞌ it mga sulsug ya nga magꞌaat, ‘Kaꞌilangan nga kilalaen mu i AMPUꞌANG DIYUS.’ Sabap aku, makilalaan nira na nga muꞌsa, ega nay piniliꞌan, mataꞌas nga duguꞌ baw raꞌyat. Sabap ipasinsiya ku nat kanira i karaꞌe-raꞌetan nira baw talagang lipaten ku na i mga kasalaꞌan nira.”

Lucas 3:3

Aypaꞌ binwat ya, liyekep-lekep ya i taawan kat padipag-dipag it danum it Jordan, ka nangadal na. Ipagpangadal ya nga magꞌaat, “Singuliꞌan baw indiꞌan mi na i mga kasalaꞌan mi baw pabawtis nga pamatuud it indiꞌan mi na, isaꞌun pasinsiyaen kamu naga it Ampuꞌang Diyus.”

Lucas 3:6

Talagang maltegan it muꞌsang taw i panribri it Ampuꞌang Diyus.’”

Juan 1:29

Pagꞌeyag it aldaw, nalawag ni Juan si Jesus nga magꞌelep duꞌun it kanya. Pagkalteg ya, maat ya, “Wayan na, kanya nga ibinggay it Ampuꞌang Diyus, nga subuk uꞌuybun it tupa nga ipagsalisi, sabap kanya na ngayan i mangawaꞌ it kasalaꞌan it mga katataawan.

Juan 1:34

Naltegan ku nga talaga, aypaꞌ ipagpamatuud ku nga kanyay Anak it Ampuꞌang Diyus.”

Mga Binwat 10:43

Kanya na ngaytu gasiꞌ i ipagpamatuud ngayat muꞌsang mga prupitaꞌ it tagnaꞌ nga magꞌaat i isiyurat nira, in siyu-siyuy mamayaꞌ baw sumarig it kanya, pasinsiyaen i mga kasalaꞌan nira kat buwaten ya nga panribri.”

Mga Binwat 19:4

Tiyubag sira ni Pablo, nga maat ya, “Iyan pagbawtis ni Juan, magsugid it, taw nga magpabawtis, nagsinguliꞌ nat mga kasalaꞌan ya. Temed daꞌga baꞌ ipagpanulduꞌ gasiꞌ ni Juan nga kaꞌilangan mamayaꞌ ta it kanya nga magsusunud it ki Juan ngayti? Paꞌaaten ya ngayti, si Jesus.”

Mga Binwat 2:38

Tiyubag sira ni Pedro, nga magꞌaat, “Ta, kaꞌilangan, magsinguliꞌ kamu it mga kasalaꞌan mi, baw pabawtis nga magpamatuud it pakilagpit kamu nat ki Jesu-Cristo. Buwaten mi tu isaꞌun mapasinsiya i mga kasalaꞌan mi baw begayan kamu nga pasaruman it Espiritu Santo.

Mga Binwat 3:19

Aypaꞌ kayti, magsinguliꞌ kamut kamatuudan baw pasakep kamu nat Ampuꞌang Diyus, isaꞌun mapasinsiya kamu nga maꞌawaꞌ i mga kasalaꞌan mi.

Mga Binwat 5:31

Pagkaꞌgen it kanya, miyuliꞌ na duꞌun it langit ka binggayan nat Diyus Amaꞌ it ega basta-bastang kataꞌasan duꞌun it iwanan nga ayun ya. Baw kanya na ngaytu i Manigpamegbeg baw Manriribri tami, nga magbegay nat aten nga mga tungtung-inapuꞌ ni Israel nga masinguliꞌan baw indiꞌan i mga kasalaꞌan tami isaꞌun mapasinsiya.

Roma 3:25

Ipiyabetang-betang it Ampuꞌang Diyus nga kat pagturuꞌ it duguꞌ ni Cristo Jesus ngaytu buwaten kanya nga salisi nga ipagꞌangut it kapasinsiyaan it kasalaꞌan. In siyu-siyuy sumarig baw mamayaꞌ it kamataynen ya ngaytu, makanira na i kapasinsiyaan ngaytu it kasalaꞌan. Binwat tu it Ampuꞌang Diyus i atkaytu isaꞌun matantuwan it muꞌsang taw nga, kanya, mataldeng baw ega mapakay nga ega ukumanan ya i kasalaꞌan it taw. Ka, maski na maat kaꞌlay ngaytu, garing paꞌ it tagnaꞌ, subuk pagpataꞌnan ya lamang i kasalaꞌan it taw,

Efeso 1:7

Ka sabap it duguꞌ nga ipiyaturuꞌ ni Jesus ngaytu, ribri tami na kat panriga it Ampuꞌang Diyus sabap it mga kasalaꞌan tami. Napasinsiya nat aten i muꞌsa. Talagang egay kasbung it kaꞌildaw ya ngaytu