Lucas 1:75 - Tagbanwa

⁷⁵ Ka ireg ya nga alaid tami talaga kat muꞌsang kasalaꞌan, nga mangaꞌgenan tami nat mataldeng kat panleteg ya, mintras egen tami.

Lucas 1:75 Iomraidhean Croise

Mateo 1:21

Lalaki yan i sumakit. Si Jesus i ipangaran mu, sabap kanya i rimibri it mga taawan ya kat mga kasalaꞌan nira.”

Lucas 1:74

nga iribri ya kita kat mga kakuntraꞌ tami, isaꞌun makasirbi tamit kanya it egay pagꞌiꞌlaman.

Efeso 1:4

Pakilagpit ta ngaytut ki Cristo, kat pikir naytu nga lagi it Ampuꞌang Diyus parabir giyuna ya i langit baw banwa. Aypaꞌ, talagang garing paꞌ it tagnaꞌ, piniliꞌ ya na kitang lagi nga makaꞌalaid tang banar kat muꞌsang kasalaꞌan baw makaꞌadap ta duꞌut kanya it egay maꞌiway yat aten.

Efeso 2:10

Sabap iyan pagbaꞌgu it adat ta kayti, Ampuꞌang Diyus i garing kaytu. Ipiyalagpit ya kita duꞌut ki Cristo Jesus baw biyaꞌgu ya i pangaꞌgenan tami isaꞌun gamiten ta na kat buwat nga magayen, nga ipiyagꞌareg yang lagi it aten garing paꞌ it tagnaꞌ.

Efeso 4:24

Eeꞌ baꞌ, it limbas mi na i tagnang pangaꞌgenan nga maraꞌway, sana iyan siꞌ i pakayen mi, pangaꞌgenan nga talagang nabaꞌgu nat Ampuꞌang Diyus, pangaꞌgenan nga bilang ladawan it kamatuudang pagkamataldeng ya baw adat ya nga alaid kat muꞌsang kasalaꞌan.

Deuteronomio 6:2

Ipagtulduꞌ kuytut imyu isaꞌun, kamu baw mga kaꞌanak-anakan mi, mintras egen kamu galangen mi nga pirmi i AMPUꞌANG DIYUS it may iꞌlam, nga pagsunudun mi nga pirmi i mga urdin baw pabetang-betang ya ngaytu, baw isaꞌun paꞌlayen kamu.

1 Tesalonica 4:1

Mga sulsug namen kat pamayaꞌ, may esa paꞌ nga ipagbenge-bengel namen it imyu kat ngaran it Ampuꞌan nga si Jesus. Sabagay ega piyasyangan mi i itiyulduꞌ namen it imyu, nga mga dapat adaten mi isaꞌun sagyaan kamu nga banar it Ampuꞌang Diyus. Ta kayti, ipagbenge-bengel namen it imyu nga subraꞌ pang paꞌresan mi i pagsunud mi ngaytu.

1 Tesalonica 4:7

Ka ipiyabetang-betang it Ampuꞌang Diyus nga mangaꞌgenan tami it pangaꞌgenan nga mataldeng, ega maat pangaꞌgenan nga pagraꞌwayen ya.

2 Tesalonica 2:13

Temed dapat kami nga pirming magpasalamat duꞌun it Ampuꞌang Diyus sabap it imyu, mga sulsug namen kat pamayaꞌ nga mga pagrarasan it Ampuꞌan. Sabap, garing it ega pay banwa, napiliꞌ kamung lagi it Ampuꞌang Diyus nga, kat keseg it Espiritu Santo, maribri kamu baw ipapinpin nga mga mataldeng nga taawan ya sabap it pamayaꞌ mi it kamatuudan ngaytu.

2 Timoteo 1:9

Dedemdemen mu nga Ampuꞌang Diyus ngaytu i rimnibri it aten, baw ipiyapinpin ya kita nga mga taawan ya na nga magpangaꞌgenan na it alaid kat muꞌsang kasalaꞌan. Ipiyagribri ya kita, ega sabap duꞌun it mga buwat ta nga sadili, in daꞌga uyun duꞌun it ipiyabetang-betang ya nang lagi, baw sabap it kadakulat ildaw ya. Yay matuud, ipiyabetang-betang ya it ega paꞌ naguna yay banwa, nga ildawan ya kita it karibriyan sabap it buwaten ni Cristo Jesus.