Lucas 1:70 - Tagbanwa

⁷⁰ Itu na ngaytuy isiyanggup ya ngayan nga ipiyaꞌampang yat mga prupitaꞌ it tagnaꞌ,

Lucas 1:70 Iomraidhean Croise

Genesis 12:3

Talagang ildawan ku gasiꞌ i kumpur mildaw it imu, temed iyan nga rumaꞌe-raꞌet it imu, ukumanan ku it panrigang sumpa ku. Yay matuud, garing it imu maꞌildawan i muꞌsang bangsat taw situt sinirungat langit.”

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Jeremias 23:5

“Kat pagdadarapaꞌen nga timpu,” maat it AMPUꞌANG DIYUS, “pabaraꞌen ku nga may limiꞌwan kat kaduguꞌ-duguꞌan it adiꞌ nga si David nga esa nga mataldeng kat panleteg ku. Rumraan ku kanya kat pagkaꞌadiꞌ baw manggayen nga banar i pagꞌadiꞌ ya. Kat muꞌsang rugar pangukuman nga mataldeng baw purus tamaꞌ i ipapanaw ya.

Jeremias 30:10

Aypaꞌ ayaw kamu it iꞌlam, mga manigsirbi ku nga tungtung-inapuꞌ ni Jacob,” maat it AMPUꞌANG DIYUS. “Ayaw kamu gasiꞌ it pakeblaꞌ, bangsa nga Israel. Sabap siguradu nga iribri ku kamu garing duꞌun it alaid ngayti nga rugar nga tabanan it imyu nga madakepan. Talagang kaꞌuliꞌ kamu naga yan duꞌun it sadili mi nga rugar, baw mangaꞌgenan kamu siꞌ duꞌun it maꞌimbeng, nga ega nay kaguluwan mi baw ega nay maiꞌlaman mi.”

Marcos 12:36

It kat panakem it Espiritu Santo, si David naga i miyampang, nga magꞌaat, ‘Maat i Ampuꞌang Diyus duꞌun it Ampuꞌan ku nga Cristo, “Madung ka na sinit iwanan ku nga ayun, seked it iyan mga kalaban mu, paꞌampuꞌun ku na nga tutungtungan mana sira it aꞌay mu.”’

Lucas 24:44

Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Mga Binwat 28:25

Daꞌsira magparag-paragen, aypaꞌ nanganya-kanya nat uliꞌ. Temed parabir sira nakagaring i miyuliꞌ, inaat sira ni Pablo, “Talagang matuud i inaat it Espiritu Santo kat mga kagiyaringanan mi, nga isiyurat it prupitaꞌ ngaytit tagnaꞌ nga si Isaias, nga magꞌaat,

Roma 1:2

Itu nga kabagayan, pasar it karibriyan ngaytu, garing it tagnaꞌ pay banwa isiyanggup naytung lagi it Ampuꞌang Diyus duꞌut kasuratan nga purus ampang ya nga ipiyasurat yat mga prupitaꞌ ya.

Hebreo 3:7

Aypaꞌ, kayti, dedemdemen tami i ipiyagsasar ngayan it Espiritu Santo ngayang magꞌaat, “Kayti, basta nagnegan mi i ipagꞌaat it Ampuꞌang Diyus,

1 Pedro 1:12

Temed piyaꞌyagan sirat Ampuꞌang Diyus nga, ega kat kanirang timpu in daꞌga aten mana ngaytung timpu kayti, matuman i mga bagay ngaytu nga ipiyagpasugid it kanira. Itung mga bagay, yanagaytuy ipagpangadal it imyu it mga magpangadal it Magayeng Baritaꞌ kat tabang it Espiritu Santo nga ipiyapasarum it Ampuꞌang Diyus kat bilug ta. Talagang maski mga anghil, pagpasepsepan nirang banar i mga bagay ngaytu.

2 Pedro 1:21

Ka talagang ega kat pikiran it taw lamang i piyanggaringan it mga isiyurat ngaytu, in daꞌga mga prupitaꞌ ngayti, piyanakman sirat Ampuꞌang Diyus it in unuy kusugiden ya, kat ipiyapasarum ya nga Espiritu Santo.

2 Pedro 3:2

Ka iyan bay ireg ku, egen nga pirmi kat nakem mi i mga isiyugid it mga ipiyatindeg it Ampuꞌang Diyus nga mga prupitaꞌ it tagnaꞌ paꞌ, baw iyan mga ipiyagꞌurdin gasiꞌ it Ampuꞌan tami nga si Jesu-Cristo nga Manriribri tami. Kami ngaytu nga mga apustul mi i nangadal it imyu it mga iti ngayti.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”