Lucas 1:7 - Tagbanwa

⁷ Temed sira ngayti, egay aꞌanak ka si Elisabet, ega magpanganak nga babay seked it gurang na ngayti sira nga duwa.

Lucas 1:7 Iomraidhean Croise

Genesis 17:17

Simnaꞌup siꞌ si Abraham it nanluud it magtetꞌem i rupa, temed nakaslem kanya. Kat nake-nakem ya, “Sang gatus nang taꞌun i idad ku baw si Sara ngaytu, ungaytu, manganak palan kanya it maski siyam nang puluꞌ i idad ya!”

Genesis 18:11

Lamang atkayti i inampang it sang kataawan ngayti, talagang gurang na na Abraham duwa magꞌasawa. Kamatuudan, ega na pagꞌabutun it adat it mga babay si Sara.

Genesis 25:21

Ta it ega magpanganak si Rebeca ngayting asawa ya, iyan naꞌlay na, nanalangin si Isaac nga nagpasanguꞌ-sanguꞌ duꞌun it AMPUꞌANG DIYUS. Baw siyambungan it AMPUꞌANG DIYUS i ipiyanalangin ya ngayti. Nagbeteng nga matuud si Rebeca.

Genesis 30:1

Pagkamuya ni Raquel nga si Lea, maꞌanaken na, kanya ega paꞌ, ka ega ngayti magpanganak, masyaduy irak ya. Aypaꞌ inaat ya si Jacob, “Paꞌanaken mu gasiꞌ aku! Ka in daꞌku paꞌ manganak, talagang matay aku na!”

Lucas 1:5

Iyan timpu nga si Herodes i adiꞌ duꞌun it Judea, may esang sasirduti kat gurupu ni Abias nga si Zacarias i ngaran. Asawa ya si Elisabet. Tungtung-inapuꞌ sirang duwa magꞌasawa ni Aaron.

Lucas 1:6

Baw talagang duwa sira ngayti magꞌasawa, mataldeng i pangaꞌgenan nira kat panleteg it Ampuꞌang Diyus. Pagsunudun nirat magayen i mga urdin baw kaꞌirgan ya.

Lucas 1:8

Kaꞌsa, it naꞌbut siꞌ nga gurupu na Zacarias i muwat it buwaten it mga sasirduti duꞌun it Templo, aypaꞌ ka magsirbi si Zacarias ngayti kat adapan it Ampuꞌang Diyus.

Roma 4:19

Kat iting timpu magsasang gatus nang taꞌun i idad ya. Maꞌaat nang atnat patay nay bilug ya, ta unu pay ikaꞌanak ya? Ta, asawa ya gasiꞌ, ega magpanganak nga babay. Temed maski atkayti, ega nagduwa-duwa i pamayaꞌ yat inaat it Ampuꞌang Diyus.

Hebreo 11:11

Sabap gasiꞌ it pamayaꞌ baw pagsarig nira it Ampuꞌang Diyus nanganak naga na Abraham, duwa ni Sara, maski gurang na sirang gurang baw si Sara, ega magpanganak nga babay. Ka yay kat pikir ni Abraham, purus kamatuudan i kat Ampuꞌang Diyus, nga ega mapakay nga ega tumanen ya i isiyanggup ngaytit kanya.

1 Samuel 1:2

Duway i asawa ni Elcana ngayti, si Ana baw si Penina i mga ngaran. Magpanganak si Penina ngaytit kanya, temed ki Ana ega.