Lucas 1:68 - Tagbanwa

⁶⁸ “Bantugun i Ampuꞌang Diyus tami nga mga tungtung-inapuꞌ ni Israel. Sabap siyanguꞌan ya na kita, ka naꞌbut na nga iribri ya i mga piniliꞌ ya nga taawan.

Lucas 1:68 Iomraidhean Croise

Genesis 14:20

Talagang kayti bantugun i Ampuꞌang Diyus nga Piyakamataꞌas, nga ipiyadaꞌeg yat imu i mga kalaban mu!” Bawnga binwat ni Abram ngayti, ibinggay ya it ki Melquisedec i ikasang puluꞌ nga bagiꞌ it muꞌsa ngayting nabaiꞌ ya.

Genesis 24:27

Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”

Genesis 9:26

Mabantug i AMPUꞌANG DIYUS ni Sem! Maꞌuripen it mga kaꞌanak-anakan ni Sem i mga kaꞌanak-anakan ni Canaan.

Exodo 4:31

Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.

Lucas 1:71

nga iribri ya naga kita kat mga kakuntraꞌ tami, baw kat alima it muꞌsang mamagꞌiseg it aten.

Lucas 19:44

Talagang ranggaꞌen nira i siyudad baw puuꞌun niray mga taw duꞌun. Baw maski sangbat nga batu, egay ipaꞌped nira duꞌun it pagruruknuꞌan ya. Pataꞌnan sirat Ampuꞌang Diyus nga muwat it atkayti ngayti sabap ega kinilala mi aku nga tiyaꞌeg ya nga rimibri it imyu.”

Lucas 2:38

Ega paꞌ natupus i ampang ni Simeon ngayti, minlep na duꞌut kana Jose si Ana ngayti. Nagpasalamat kanya duꞌun it Ampuꞌang Diyus. Bawnga siging tuturan ya pasar it waꞌwaꞌ ngayti duꞌun it maski siyung beken nga maꞌlat nagat panribri it kanira nga mga Judio.

Lucas 24:21

Kanya paꞌ ngaytu maka i pagꞌiꞌinawaren namen nga paliꞌwan it bangsa tami nga mga tungtung-inapuꞌ ni Israel. Ta, nakatlu nayan kayti nagꞌabut i itu nga mga bagay.

Lucas 7:16

Pagkamuya it mga taw ngayti, inabut sirat iꞌlam baw biyantug nira i Ampuꞌang Diyus. “Miyabut situt aten i esang bantug nga prupitaꞌ. Talagang kita nga mga taawan it Ampuꞌang Diyus, inildawan ya na nga banar!”

Efeso 1:3

Uꞌnang masugid ku, magayen, bantugun tami nga pirmi i Ampuꞌang Diyus, kanya nga Ampuꞌan baw Amaꞌ it Ampuꞌan tami nga si Jesu-Cristo ka, sabap it pakilagpit tami it ki Cristo, inildawan ya na kita it muꞌsa ngaytung ega basta-bastang kagayenan.

Efeso 1:7

Ka sabap it duguꞌ nga ipiyaturuꞌ ni Jesus ngaytu, ribri tami na kat panriga it Ampuꞌang Diyus sabap it mga kasalaꞌan tami. Napasinsiya nat aten i muꞌsa. Talagang egay kasbung it kaꞌildaw ya ngaytu

Hebreo 9:12

Si Cristo ngaytu, kaꞌsa lamang kanya siminled duꞌun it Subraꞌ Na nga Ega Na Babasta-bastaeng Seled nga duꞌut langit. Tamaꞌ na i kaꞌsa ngayti. Baw ega duguꞌ it mga kambing u uꞌuybun nga bakaꞌ i taban ya nga ipagꞌangut it egay katupusan nga kapasinsiyaan, in daꞌga talagang sadili ya nga duguꞌ, nga iti talagay ipiyagtanggung ya it kasalaꞌan tami nga mga taw isaꞌun maribri tami it egay katupusan.

1 Pedro 1:3

Kayti, bantugun tami nga muꞌsa i Ampuꞌang Diyus, nga Amaꞌ it Ampuꞌan tami nga si Jesu-Cristo! Sabap natantuwan ta nga, kat kadakulat ildaw yat aten, bilang ipiyanganak ta kayti it sumaꞌup baw siguradu na talagay pagꞌiꞌinawaren tami nga kagayenan. Ildaw ya ngaytu, siguraduytu sabap duꞌun it pagkaꞌgen ni Jesu-Cristo it paꞌuliꞌ.