Lucas 1:67 - Tagbanwa

⁶⁷ Si Zacarias ngayti, piyasaruman kanya it Espiritu Santo bawnga miyampang kanya, nga magꞌaat,

Lucas 1:67 Iomraidhean Croise

Joel 2:28

“Mabut i aldaw,” maat it AMPUꞌANG DIYUS, “nga ildawan ku nay muꞌsang taw, nga masaruman na sira it Espiritu Santo ku. Bawnga kat panakem yat kanira, mampang i mga anak mi, babay, lalaki, it ipagpaꞌrut ku it katataawan. May ipanakem kut magugurang mi nga tagaynepen nirat magꞌigaꞌ. Baw iyan mangaꞌwaꞌen mi, may ipanakem kut kanira nga, lamang magsusulag, subung it pagtagaynepen nira.

Lucas 1:15

Ka mataꞌas kanya kat panleteg it Ampuꞌang Diyus. Ega yan mapakay nga minum kanyat maski unu nga kalasit irimnun nga kalalangu. Ka pagbebtengen payan kanya, pagsasaruman nat Espiritu Santo.

Lucas 1:41

Pagkagneg ni Elisabet it pangumusta ngayti ni Maria, kimnuliꞌget i waꞌwaꞌ nga pagbebtengen ya, dengan it piyasaruman it Espiritu Santo si Elisabet ngayti.

Mga Binwat 2:4

Piyasaruman na sirang muꞌsa it Espiritu Santo, baw kat panakem it Espiritu Santo ngayti, nagpapuꞌun sirat mampang it belag-belag nga mga ampang nga ega naꞌadalan nira.

Mga Binwat 2:8

Ta unu baytu nga kaꞌulugan, ka kada esat aten, magkagnegan tami nga pagꞌampangen niray ampang duꞌun it mga giyaringan ta nga banwa?

Mga Binwat 9:17

Ta, egay beken, napanaw na si Ananias, dayun-dayun duꞌut iting balay. Pagkasled ya, tiyapal ya si Saulo ngayti bawnga miyampang. Maat ya, “Saulo, nga sulsug ku kat pamayaꞌ, tiyaꞌeg aku baytut Ampuꞌan. Iyan baꞌ, si Jesus nga nagpakikita it imu duꞌun it pagpanawan mu ngaytit magꞌaꞌasitu. Piyaꞌasitu ya aku isaꞌun makalteg ka siꞌ baw isaꞌun pasaruman ka it Espiritu Santo.”

2 Pedro 1:21

Ka talagang ega kat pikiran it taw lamang i piyanggaringan it mga isiyurat ngaytu, in daꞌga mga prupitaꞌ ngayti, piyanakman sirat Ampuꞌang Diyus it in unuy kusugiden ya, kat ipiyapasarum ya nga Espiritu Santo.