Lucas 1:6 - Tagbanwa

⁶ Baw talagang duwa sira ngayti magꞌasawa, mataldeng i pangaꞌgenan nira kat panleteg it Ampuꞌang Diyus. Pagsunudun nirat magayen i mga urdin baw kaꞌirgan ya.

Lucas 1:6 Iomraidhean Croise

Genesis 17:1

Iyan siyam nang puluꞌ baw siyam nga taꞌun i idad ni Abram, nagpakikita siꞌ i AMPUꞌANG DIYUS it kanya. Maat i inaat ya, “Aku i Ampuꞌang Diyus nga landaw nga gunaan. Kayti, ituy ipagꞌaat kut imu, mangaꞌgenan ka it uyun kat kaꞌirgan ku. Magpakataldeng ka.

Genesis 6:9

Talagang si Noe ngayti, mataldeng kanya kat panleteg it Ampuꞌang Diyus. Kat iting timpu, kanya lamang i magayen nga adat it taw, ega nay beken. Talagang pagpaꞌresan ni Noe i kaꞌirgan it Ampuꞌang Diyus nga bilang kaꞌiba-iba ya nga pirmi.

Genesis 7:1

Iyan naꞌman na, inaat nat AMPUꞌANG DIYUS si Noe, “Manled kamu nang muꞌsa nga sang anakan asat sakayan ngayan, sabap kat muꞌsang taw asat sinirungat langit, ikaw lamang i mataldeng kat panleteg ku.

1 Mga Adiꞌ 9:4

Baw ikaw gasiꞌ, basta maneꞌteꞌ nga kamatuudan i pagsirbi mut aken, subung naga it amaꞌ mu nga si David, baw basta buwaten mu i muꞌsa nga ipagpabwat kut imu baw sunudun mu i in unu nga urdin ku baw kaꞌirgan ku,

2 Mga Adiꞌ 20:3

“AMPUꞌANG DIYUS,” maat ya, “sanguꞌan mu naga aku ngayni nga nangaꞌgenan nga magsunud it imu it kamatuudan. Magkaltegan mu nga talagang pagbuwaten ku it tingled i nakem ku i kumpur mga bagay nga uyun it kaꞌirgan mu.” Siminggaw kanya nga banar kat kadakulaꞌ it kasmek ya.

Lucas 1:7

Temed sira ngayti, egay aꞌanak ka si Elisabet, ega magpanganak nga babay seked it gurang na ngayti sira nga duwa.

Lucas 16:15

Pagkamuya ni Jesus kayti, maat yat kanira, “Kamu i pagpaꞌiguꞌan ku ngayan, nga buwat mi, pagpapamayaꞌnen mi i katataawan nga mataldeng kamu nga mga taw, isaꞌun istimaren kamut magayen. Temed ega talaga magkataguꞌ duꞌun it Ampuꞌang Diyus i karaꞌe-raꞌetan kat nakem mi. Yay matuud, iyan ipagpabetang mi nga mabantug nga ipagkatuꞌgud it imyu it mga taw, maraꞌway nga maraꞌway yan kat panleteg it Ampuꞌang Diyus.

Lucas 2:25

Kat iting timpu, may esang lalaki duꞌut Jerusalem nga si Simeon i ngaran. Mataldeng kanya kat panleteg it Ampuꞌang Diyus baw masiyambaen paꞌ. Talagang maꞌlat kanyang banar it isiyanggup nga Cristo nga rimibri it bangsa nira nga Israel. Baw pagsasaruman kanya it Espiritu Santo.

Mga Binwat 2:25

Dedemdemen mi i magsusurat nga ampang it tagnang adiꞌ nga si David, ka miniguꞌ nang banar it ki Jesus ngaytu. Magꞌaat ngayan i magsusurat, ‘Magkamuyaan ku nga pirming kat uꞌnaan ku i Ampuꞌang Diyus. Pirming situt aken i tabang ya, aypaꞌ ka daꞌku patarantaꞌ.

Mga Binwat 23:1

Tiyermek ni Pablo it semyek i mga kaꞌuyutan ngaytit Sanedrin, bawnga miyampang. “Mga kabilug ku,” maat ya, “kat muꞌsang kaꞌgenan ku, garik tagnaꞌ seked it kayti, iyan lamang i pagbuwaten ku, in unuy pagpipikiren ku nga magayen kat panleteg it Ampuꞌang Diyus.”

Mga Binwat 24:16

Sabap it itung mga bagay nga pagpamayaꞌnen ku, pagpaꞌresan ku nga egay mabwat kung kamaliꞌ kat panleteg it Ampuꞌang Diyus u masigkataw ku.

Mga Binwat 8:21

Talagang egay kabagiꞌan mu kat ipagpabwat ngaytut amen baw daꞌka kaꞌuyut kaytu, sabap kat panleteg it Ampuꞌang Diyus, talagang ega mataldeng i kat nakem mu.

Roma 8:4

Ipiyabetang-betang it Ampuꞌang Diyus i muꞌsa ngaytu isaꞌun kapangaꞌgenan tami uyun kat kataldengan nga pagꞌaaten it mga urdin ya. Mapakay naytu in magpangaꞌgenan na kat pamaalaꞌ it Espiritu Santo, ega na kat aten nga sadiling kaꞌirgan.

1 Corinto 11:2

Ta kayti, magayen i buwat mi nga, kat muꞌsang mga bagay, pagtulusun mi i ipiyagtulduꞌ kut imyu, baw pagsunudun mi.

2 Corinto 1:12

Ituy magbegay it kasagyaan kat nakem namen nga talagang magkatantuwan namen nga, kat tabang it Ampuꞌang Diyus, purus kamatuudan baw kagayenan i adat namen kat muꞌsang taw, subraꞌ na kamu. Ega maat may maraꞌe-raꞌet nga antap it nakem namen, nga subuk pagꞌadaten it taw situt banwa, in daꞌga magpangaꞌgenan kami kat keseg it tabang it Ampuꞌang Diyus nga ipagꞌildaw yat amen.

Deuteronomio 5:33

Mangaꞌgenan kamu uyun duꞌun it mga urdin ya, isaꞌun magmagayen i kabetangan mi baw makaꞌistar kamu it maꞌlay duꞌut banwa ngayan nga sakpen baw taꞌidan mi.”

Filipos 2:15

isaꞌun egay magkaꞌiway kat pangaꞌgenan mi baw egay antap it nakem mi nga ega magayen. In daꞌga, mga anak kamu na it Ampuꞌang Diyus nga magkasagyaan ya, nga egay magkasaway it beken, maski magtetengaꞌ-tengaꞌ kamu kat mga taw nga yanay paglabiyen, karaꞌe-raꞌetan, baw kamaliꞌ i muꞌsang pagpikiren nira. Sana magꞌeꞌyag kamu nga bilang tidaw nira ka kabilangan mi, mga bituꞌun nga magsinggat-singgat duꞌun it langit,

Colosas 1:22

Temed kayti, sabap it kamataynen ni Cristo nga ipiyasalisi yay bilug ya, binwat kamu nat Ampuꞌang Diyus nga mga iba-iba ya isaꞌun makapaꞌadap ya kamu kat adapan ya it egay maꞌiway ya, mga taw nga mataldeng kat panleteg ya ka naꞌiriꞌan it muꞌsang kasalaꞌan.

1 Tesalonica 3:13

Ka basta dumakulaꞌ nga banar i kararas mi ngaytu, papaꞌgenen it Ampuꞌan i nakem mi nga mangaꞌgenan it alaid na kat kasalaꞌan. Ta basta atkayan, ega nay maꞌiway asat imyu ka mataldeng kamu na kat panleteg it Ampuꞌang Diyus, pagpaꞌuliꞌ it Ampuꞌan tami nga si Jesus, nga kaꞌibaan ya i mga naribri nga duꞌun nat kanya.

2 Pedro 3:14

Aypaꞌ mga pagmaꞌalen ku, mintras pagꞌelaten mi tu, paꞌresan nga mangaꞌgenan uyun talaga it kaꞌirgan it Ampuꞌang Diyus. Paꞌresan nga ega nay bagay nga kamansaꞌ it bilug baw masudi-sudi it beken, isaꞌun maꞌimbeng i nakem ta in madap nat kanya.

1 Juan 2:29

Urut mi na nga talagang mataldeng i Ampuꞌang Diyus. Aypaꞌ sikayan matantuwan mi nga sira nga magbuwat nat mataldeng kat panleteg it Ampuꞌang Diyus ngaytu, sira i ipagpabetang ya nga mga anak ya na.

1 Juan 2:3

Pagsisiguruun ta naytu nga kilala ta nay Ampuꞌang Diyus, basta pagsunudun tat magayen i mga ipiyagꞌurdin ya.

1 Juan 3:7

Mga bilang anak ku, ayaw kamut pateꞌag-teꞌag it maski siyu. Iyan nga magbuwat it kataldengan, mataldeng nayan kat panleteg it Ampuꞌang Diyus, subung it ki Jesu-Cristo nga talagang mataldeng.