Lucas 1:59 - Tagbanwa

⁵⁹ Iyan nakawalu na, nga aldaw nga ituriꞌ baw ipangaran nat waꞌwaꞌ, namagparagiꞌ sira. Tanud nira, si Zacarias i ipangaran, ka ipaslun nagat ngaran it amaꞌ ya.

Lucas 1:59 Iomraidhean Croise

Genesis 17:12

Talagang muꞌsang ipanganak nga lalaki mi garing kayti magtungtung-magꞌinapuꞌ, kaꞌilangan turiꞌan pagꞌabut it ikawalung aldaw. Kaꞌilangan turiꞌan gasiꞌ i mga kaꞌuripnan mi baw mga taw nga ipiyaꞌalang it imyu. Maski ega kat duguꞌ mu, kaꞌilangan nagang turiꞌan, basta kat seled it pamalay-balay mi.

Lucas 2:21

Pagꞌikawalung aldaw, nga aldaw nga ituriꞌ baw ipangaran it waꞌwaꞌ, si Jesus i ipiyangaran it kanya, ka iti i inaat it anghil nga ipangarat kanya, parabir diyarugmatiꞌ i waꞌwaꞌ ngayti.

Mga Binwat 7:8

Bawnga pasar it pakiꞌupakat it Ampuꞌang Diyus duꞌun it ki Abraham, ipiyagꞌurdin it Ampuꞌang Diyus nga, magtungtung-magꞌinapuꞌ, turiꞌan nira i kada lalaki duꞌun it kanira nga imandaꞌan it sakep naga sira it pakiꞌupakat ya ngayti. Aypaꞌ, pagpanganak nirat ki Isaac, pagꞌikawalung aldaw, tiyuriꞌan na kanya. Ta, si Isaac ngayti i amaꞌ ni Jacob, baw si Jacob i amaꞌ it sang puluꞌ baw duwang kalalakiyan nga sira na ngaytu i piyanggaring-garingan it mga kuyunan tami nga mga Judio.

Filipos 3:5

Ka pagpanganak it aken, pagꞌikawalung aldaw tiyuriꞌan aku. Baw talagang manengteng akung Hebreo, esang matuud nga tungtung-inapuꞌ ni Israel, nga kat kuyunang mga tungtung-inapuꞌ ni Benjamin. Ta in kat pagsunud it mga urdin ni Moises i sugiden, talagang Pariseo aku.