Lucas 1:53 - Tagbanwa

⁵³ Iyan mga paggetmanan, piyaꞌgenan ya na it magagayeng mga bagay. Temed iyan mga manggaden, inimugaw ya na it egay maski unu.

Lucas 1:53 Iomraidhean Croise

Mateo 5:6

Magkasagya i mga talagang kubwat nga pirmi it kaꞌirgan it Ampuꞌang Diyus, sabap talagang ibgay ya it kanira nga mabwat nira.

Lucas 1:54

Talagang pagtabangen it Ampuꞌang Diyus i mga taawan ya nga tungtung-inapuꞌ ni Israel, ka pagdedemdemen yang pirmi i sanggup ya duꞌun it mga kagiyaringanan tami.

Lucas 6:21

Magkasagya kamu nga talagang kubwat nga pirmi it kaꞌirgan it Ampuꞌang Diyus, sabap talagang ibgay yat imyu nga mabwat mi. Magkasagya kamu nga magsugaw, mga magkasmek sabap it nabwat nga kasalaꞌan, ka kasagyaan i pasubli.

Lucas 6:24

Temed makuriꞌ talagay magꞌaꞌareg it imyu nga mga manggaden kayti, nga kanget talaga it nakem mi i manggad mi ngaytu, sabap natanggap mi na i imyu nga kagayenan. Ega nay inawaren mi nga beken.

Juan 6:35

“Aku i paꞌaateng pangaꞌen ngayan nga magkabgay it kaꞌgenan,” maat ni Jesus. “Iyan pasakep it aken, ega na maat getmanan paꞌ, baw iyan nga mamayaꞌ nat aken, seked kaꞌnu-kaꞌnu ega na kumuꞌinum.

1 Corinto 1:26

Mga sulsug ku kat pamayaꞌ, dedemdemen mi i kabetangan mi iyan piyanakman kamu na it Ampuꞌang Diyus nga pasakep it kanya. Daꞌga baꞌ pira lamang it imyu i pagkilalaen it banwa nga makakaꞌrut? Pira lamang gasiꞌ i may mataꞌas nga katengdanan u duguꞌ.

1 Corinto 4:8

Ka palan kat pikir mi manggaden kamu na, nga pagustuꞌ na it muꞌsang ipagꞌildaw it Ampuꞌang Diyus. Siguru tanud mi, nalandawan mi na kami ka naꞌbut mi nay magꞌadiꞌ kamu na kat kaꞌadiꞌan it Ampuꞌang Diyus. In maat matuud, magayen, ka in atkayan magꞌadiꞌ kami naga nga kaꞌibaan mi, baw ega nay kakuriꞌan namen.