Lucas 1:51 - Tagbanwa

⁵¹ Kat mga pagbuwaten ya, ipagpatantu yay ega masbungan nga guna ya. Ka tiyariwanak ya na i mga taw nga subraꞌan kat nakem nira.

Lucas 1:51 Iomraidhean Croise

Genesis 11:8

Egay beken, tiyariwanak nat AMPUꞌANG DIYUS i mga taw, nga garing duꞌun ilingkep na sirat muꞌsang banwa. Aypaꞌ ka natananan na niray pagbuwaten nira ngayting lansangan baw abwatay ngayting balay.

Genesis 6:5

Namuyaan it Ampuꞌang Diyus nga karaꞌe-raꞌetan nay nakapnuꞌ duꞌun it katataawan ngayti, ka pagsumbayaꞌen na nira nga banar i muꞌsang karaꞌe-raꞌetan kat nakem nira.

Genesis 8:21

Siyagyaan it AMPUꞌANG DIYUS nga inarek ya, bawnga maat it AMPUꞌANG DIYUS kat sadili ya, “Ega na sumpaan kut sumaꞌup i banwa sabap it kasalaꞌan it taw. Pagꞌuꞌrutan ku nga karaꞌe-raꞌetan i nakapnuꞌ it nakem it taw garing pat pagwaꞌwaꞌ ya. Temed ega na puuꞌun ku i muꞌsang maginawa nga subung it binwat ku ngaytu.

Exodo 18:11

Natantuwan ku kayti nga AMPUꞌANG DIYUS talaga i mabantug, subraꞌ paꞌ it maski unu nga beken nga pagkilalaen nga diyus. Ka lamang ereꞌeret i pataꞌas-taꞌas it mga taga Egipto ngayti nga simnarit pakuriꞌ it mga Israelita, temed diyaꞌeg sira nga banar it AMPUꞌANG DIYUS.”

Isaias 52:10

Kat muꞌsa nga bangsa, matantuwan nira i keseg it alima it Ampuꞌang Diyus. Talagang maltegan it muꞌsang taw situt sinirungat langit i panribri nga buwaten ya.

Daniel 4:37

Aypaꞌ ka aku nga si Nabucodonosor, magbantug baw magbegay it galang baw magpamatuud it kataꞌasan it Adiꞌ nga duꞌun it langit. Sabap muꞌsa nga buwat ya, purus tamaꞌ baw mataldeng. Baw talagang magkabwat ya nga ipagpababaꞌ i mga mapiyataꞌas-taꞌas.”

Roma 1:21

Ka lamang magpangbit kat nakem nira nga may Ampuꞌang Diyus, ega ga lamang paggalangen baw pagbantugun nira. Ega gasiꞌ pagpasalamatan nira i kadakulat ildaw ya ngaytut kanira. Aypaꞌ, liꞌwan ya, nagbalyung ega nay kakapulusan it mga pagpikiren nira baw, nakem nirang egay kasepsep, nadleman nang banar.

2 Corinto 10:5

baw muꞌsa nga pataꞌas-taꞌas nira nga kuntraꞌ it Ampuꞌang Diyus. Baw muꞌsa nga pikir it taw nga ipagpadaꞌeg nirat Ampuꞌang Diyus, magkapasakep namen isaꞌun sumunud sira it ki Cristo.

1 Pedro 5:5

Ta kamu gasiꞌ nga mga kamangaꞌwaꞌan, pasakep kamut magayen it padisir it mga magugurang nga magpamaalaꞌ it imyu. Baw kaꞌilangan nga mapiyababaꞌ kamu nga muꞌsa, nga magsigsirbi it esa may esa. Sabap inaat ngayan duꞌun it kasuratan, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”

Mga Ipiyalteg 18:8

Temed ta, sabap it patuꞌgud ya ngayti, derengan nga mabut it kanya it sang aldaw i mga panalakep, sarut, kasmek baw getem. Bawnga siyudad ngayang pagpapuntuꞌan it babay ngaytu, ansurun it apuy. Sabap landaw nga gunaan i Ampuꞌang Diyus nga magꞌukuman it kanya.