Lucas 1:50 - Tagbanwa

⁵⁰ Talagang pagsanguꞌan yang banar seked it magtungtung-magꞌinapuꞌ i may iꞌlam nga paggalang it kanya.

Lucas 1:50 Iomraidhean Croise

Genesis 17:7

Talagang magtetdek naytut imu i isiyanggup ku ngaytu. Maski ega nay ikaw ka mga kaꞌanakan mu mana, maneꞌteꞌ i pakiꞌupakat ku it seked maꞌlay nga banar. Tindak magtindak tu, itu nga isiyanggup ku ngaytu it imu, nga aku i Ampuꞌang Diyus mi, nga magꞌildaw it imu seked it mga kaꞌanakan mu magtungtung-magꞌinapuꞌ.

Exodo 20:6

Temed seked it maski rinibu nga tungtung-inapuꞌ, ildawan ku sira nga magkayli it aken baw sumunud it mga urdin ku.

Lucas 1:49

Sabap ega naytu basta-basta i ildaw ngaytut aken it gunaan nga Ampuꞌang Diyus. Talagang ega masbungan i kanyang kabantugan.

Mga Ipiyalteg 19:5

Bawnga may miyampang nga duꞌun i sinraꞌan, adeꞌdeng duꞌun it araꞌdungan ngaytit adiꞌ. Magꞌaat i inampang, “Bantugun i Ampuꞌang Diyus tami, kamung muꞌsa nga manigsirbi ya, matataꞌas baw mga timawaꞌ, kamu nga may matuud nga iꞌlam nga paggalang mi it kanya.”