Lucas 1:49 - Tagbanwa

⁴⁹ Sabap ega naytu basta-basta i ildaw ngaytut aken it gunaan nga Ampuꞌang Diyus. Talagang ega masbungan i kanyang kabantugan.

Lucas 1:49 Iomraidhean Croise

Genesis 17:1

Iyan siyam nang puluꞌ baw siyam nga taꞌun i idad ni Abram, nagpakikita siꞌ i AMPUꞌANG DIYUS it kanya. Maat i inaat ya, “Aku i Ampuꞌang Diyus nga landaw nga gunaan. Kayti, ituy ipagꞌaat kut imu, mangaꞌgenan ka it uyun kat kaꞌirgan ku. Magpakataldeng ka.

Isaias 6:3

Sigi-sigi nga gaꞌuy-gaꞌuy nira nga magꞌaat, “Ega babasta-bastaen baw talagang alaid nga banar kat muꞌsang kasalaꞌan i AMPUꞌANG DIYUS nga landaw nga gunaan. Iyan kabantugan ya, talagang magpanlekep it muꞌsang banwa.”

Marcos 5:13

Piyalugtan sira ni Jesus. Egay beken, nagliꞌid na sira duꞌun it taw ngayti, baw nagpaꞌugad na duꞌut paenan ngaytit mga beyeꞌ. Ta, unupat namagpalagyu nay mga beyeꞌ ngayti, nga mga duwang ribu i kadakel nira, it nandiritsu duꞌun it matingpas nga tambing it lapnaw ngayti. Namagkataptap na, napuꞌsa sirat kalmes.

Lucas 1:48

Sabap pagdedemdemen ya naga aku, nga timawaꞌ nga manigsirbi ya. Baw garing kayti, magtungtung-magꞌinapuꞌ, yanayan yan i pabetang it aken, subrang piyasagya nga babay.

Lucas 1:50

Talagang pagsanguꞌan yang banar seked it magtungtung-magꞌinapuꞌ i may iꞌlam nga paggalang it kanya.

Efeso 3:20

Aypaꞌ, kaꞌilangan, talagang bantugun tami i Ampuꞌang Diyus ngaytu, kanya nga magkabwat it bastanting-bastanti baw subrang-subraꞌ kat muꞌsa nga pagꞌangutun ta duꞌut kanya, u kat maski pagpikiren ta, sigun kat guna ya ngaytu nga paglabayen ta kat pangaꞌgenan tami.

Mga Ipiyalteg 15:4

Siyuy daꞌga miꞌlam it imu, Ampuꞌang Diyus? Siyuy daꞌga pamatuud it kabantugan mu? Ka ikaw lamang i alaid kat kasalaꞌan. Muꞌsa talaga it mga bangsa, matingped baw sumamba it imu. Sabap magkaltegan it muꞌsa i mataldeng nga mga ipiyabetang-betang mu.”

Mga Ipiyalteg 4:8

Tagꞌeꞌenem i elad it epat ngayti nga giyuna nga may ginawa, baw ta yanayti mata nang muꞌsa i bilug nira, pati kat sirib it mga elad nira. Talagang egay tatantanan it baꞌbaꞌ nirat delem-aldaw it pagbantug nga magꞌaat, “Ega babasta-bastaen baw talagang alaid kat muꞌsang kasalaꞌan i Ampuꞌang Diyus nga landaw nga gunaan. Garing it tagnaꞌ paꞌ may kanya na. Pati kayti baw seked it kaꞌnu-kaꞌnu may kanya ga lamang.”