Lucas 1:48 - Tagbanwa

⁴⁸ Sabap pagdedemdemen ya naga aku, nga timawaꞌ nga manigsirbi ya. Baw garing kayti, magtungtung-magꞌinapuꞌ, yanayan yan i pabetang it aken, subrang piyasagya nga babay.

Lucas 1:48 Iomraidhean Croise

Genesis 30:13

“Kayti,” maat ni Lea, “masagyang-masagya aku na. Siguradung panaꞌwag yat aken it beken nga mga babay, si Masagya.” Pangaranan yay waꞌwaꞌ ngayti, si Aser.

Malakias 3:12

“Bawnga maat yan it beken nga mga bangsa nga kamu, talagang magkasagya sabap it atnang gayen it rugar nga pagꞌiꞌistaran mi,” paꞌugdun paꞌ it AMPUꞌANG DIYUS ngaytu nga landaw nga gunaan.

Lucas 1:28

Miyabut i anghil ngayti duꞌun it ki Maria baw nagbegay it galang. Miyampang kanya, nga magꞌaat, “Makasagya ka nga banar ka talagang pagꞌildawan ka it Ampuꞌang Diyus. Pagtatarimaen ya talaga ikaw.”

Lucas 1:42

Bawnga miyampang si Elisabet it diyadakulaꞌ ya nga magꞌaat, “Subraꞌ talagay ildaw it Ampuꞌang Diyus it imu, subraꞌ paꞌ it beken nga mga babay. Ildawan ya gasit subraꞌ i kanya nga pagbebtengen mu.

Lucas 1:45

Talagang magkasagya ka sabap piyakimatuud mu nga matuman i kumpur ipiyasugid it Ampuꞌang Diyus.”

Lucas 1:49

Sabap ega naytu basta-basta i ildaw ngaytut aken it gunaan nga Ampuꞌang Diyus. Talagang ega masbungan i kanyang kabantugan.

Lucas 11:27

Ega paꞌ natupus i pagꞌampangen ngayti ni Jesus, may esang babay nga nanggaꞌmaran duꞌun it kadadaklan ngayti, nga magꞌaat, “Talagang magkasagya i babay ngayan nga nagbeteng it imu baw nagpaduduꞌ!”

1 Samuel 1:11

Maat i panalangin ya, “AMPUꞌANG DIYUS nga landaw nga gunaan, in beteꞌ sanguꞌan mu aku ngayning timawaꞌ nga uripen mu baw ildawan mu nga ega naga pabaya-bayaꞌan mu aku, ka in beteꞌ ildawan mu lamang aku it anak nga laa-lalaki, talagang ibgay ku kanya it imu mintras egen kanya baw ega ipabuꞌlug ku i buꞌuk ya.”