Lucas 1:47 - Tagbanwa

⁴⁷ Talagang masagyang-masagya i nakem ku sabap it Ampuꞌang Diyus ngaytu nga Manriribri ku.

Lucas 1:47 Iomraidhean Croise

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Lucas 2:11

Sabap ipiyanganak kayti duꞌun it lansangan ni David i Manriribri mi. Kanya i isiyanggup nga Cristo nga Ampuꞌan.

1 Timoteo 1:1

Dunguꞌ Timoteo, wayan i surat ku, aku nga si Pablo nga esang apustul ni Cristo Jesus. Pagkaꞌapustul ku ngaytu, ipiyagꞌurdin it Diyus Amaꞌ nga pagpanggaringan it karibriyan ta, baw si Cristo Jesus nga pagsarigan ta na, kanya nga keseg it paniguru ta it karibriyan kat pagdadarapaꞌen.

1 Timoteo 2:3

Magayen i atkaytung panalangin baw pagsagyaan it Ampuꞌang Diyus nga pagpanggaringan it karibriyan tami.

Tito 1:3

Yay matuud, iyan naꞌbut nay ipiyabetang-betang ya nga timpu, ipiyalbaw ya nay ampang ya. Ka Ampuꞌang Diyus ngaytu nga pagpanggaringan it karibriyan tami, ipiyagꞌurdin ya nga mangadal akut ampang ya ngaytu nga ipiyakarguꞌ yat aken.

Tito 2:10

Baw ega talaga mapakay nga maglimat-limat it in unu nga betang it agalen nira, in daꞌga ipalteg kat muꞌsang buwat nira nga magkasarigan sirang banar. Sabap sikayan matantuwan it mga katataawan nga magayen palan i ipagpangadal tami pasar it Ampuꞌang Diyus nga pagpanggaringan it karibriyan tami.

Tito 2:13

Kaꞌilangan atkaytuy pangaꞌgenan ta mintras pagꞌelatan tami i kasagyaan nga pagsisiguruun ta, nga maltegan i kabantugan ni Cristo Jesus kat pamaꞌuliꞌ ya situ, kanya nga mabantug nga Ampuꞌang Diyus baw Manriribri tami.

Judas 1:25

Eeꞌ baꞌ, bantugun kanya, kanya nga esa-esa lamang nga Ampuꞌang Diyus, nga Manriribri tami kat keseg it binwat it Ampuꞌan tami nga si Jesu-Cristo. Duꞌut kanya nga pirmi i kabantugan, ega masbungan nga kataꞌasan, ega basta-bastang pamegbeg baw guna, garing paꞌ it tagnaꞌ baw seked it kaꞌnu-kaꞌnu nga egay katupusan. Kamatuudan tu.