Lucas 1:42 - Tagbanwa

⁴² Bawnga miyampang si Elisabet it diyadakulaꞌ ya nga magꞌaat, “Subraꞌ talagay ildaw it Ampuꞌang Diyus it imu, subraꞌ paꞌ it beken nga mga babay. Ildawan ya gasit subraꞌ i kanya nga pagbebtengen mu.

Lucas 1:42 Iomraidhean Croise

Genesis 22:18

Baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit, sabap siyunud mu i inaat ku it imu.”

Lucas 1:28

Miyabut i anghil ngayti duꞌun it ki Maria baw nagbegay it galang. Miyampang kanya, nga magꞌaat, “Makasagya ka nga banar ka talagang pagꞌildawan ka it Ampuꞌang Diyus. Pagtatarimaen ya talaga ikaw.”

Lucas 1:41

Pagkagneg ni Elisabet it pangumusta ngayti ni Maria, kimnuliꞌget i waꞌwaꞌ nga pagbebtengen ya, dengan it piyasaruman it Espiritu Santo si Elisabet ngayti.

Lucas 1:43

Taꞌway in siyu aku na, ka naꞌasitu it aken i inaꞌ it Ampuꞌan ku.

Lucas 1:48

Sabap pagdedemdemen ya naga aku, nga timawaꞌ nga manigsirbi ya. Baw garing kayti, magtungtung-magꞌinapuꞌ, yanayan yan i pabetang it aken, subrang piyasagya nga babay.

Lucas 19:38

Maat i ipaggaꞌuy-gaꞌuy nira, “Mabantug i Adiꞌ ngaytu nga tiyaꞌeg it Ampuꞌang Diyus! Nagkagayen tami siꞌ it Ampuꞌang Diyus nga duꞌut langit! Bantugun i Ampuꞌang Diyus nga duꞌun it dibwat it langit!”

Roma 9:5

Mabantug i mga kagiyaringanan nira baw gasiꞌ nga kaduguꞌan nira naga i nanganak it ki Cristo ngaytu, iyan nagbalyu kanya nga taw. Si Cristo ngaytu, Ampuꞌang Diyus kanya nga magbebegbeg it muꞌsa, nga pagbantugun baw pagsambaen it egay katupusan. Kamatuudan talagaytu.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.