Lucas 1:35 - Tagbanwa

³⁵ Katubag i anghil ngayti, “Talagang matuud i inaat mu. Temed kat tabang it Espiritu Santo magbaraꞌ tu. Aypaꞌ ka dumarugmatiꞌ ka sabap it guna it Ampuꞌang Diyus nga Subrang Piyakamataꞌas. Aypaꞌ ka ipanganak mu ngayan, alaid nga alaid kat kasalaꞌan ka Anak kanya it Ampuꞌang Diyus.

Lucas 1:35 Iomraidhean Croise

Mateo 1:18

Atkaytu yan i kapanganakan it ki Jesu-Cristo. Si Maria ngayti nga yanay paꞌaaten nga inaꞌ ya, naꞌupakat nay pagꞌasawa nira duwa ni Jose temed ega paꞌ naꞌubus, alwan paꞌ. Ta lamang daꞌsira paꞌ nakapagdemket, mamuyaan, magdarugmatiꞌ na si Maria ngayti. Miyatkayti ka kat keseg it Espiritu Santo.

Mateo 1:20

Iyan pagpikiren na ni Jose i iti ngayti, nga in unuy magayeng buwaten ya, nanagaynep kanya, nga sakaling may miyabut nga anghil it Ampuꞌang Diyus. Magpaꞌa-paꞌaat it kanya, “Jose, nga tungtung-inapuꞌ ni David, ayaw kat pasurut. Tabusun muy pangasawa mut ki Maria. Ka iyan pagdarugmatiꞌen ya ngayan, kat keseg yan it Espiritu Santo.

Mateo 14:33

Siyamba si Jesus it muꞌsa ngayting magsasakay baw maat nira, “Kamatuudan nga Anak ka talaga it Ampuꞌang Diyus.”

Mateo 27:54

Nakbaan i kapitan it sundaluꞌ baw mga taawan ya nga magtatandaꞌ it ki Jesus, iyan natanudan nira nga magyegyeg i lugtaꞌ baw namuyaan nira i muꞌsa ngayti nga nagꞌabut. Maamaatan sira, “Talagang Anak tu nga matuud it Ampuꞌang Diyus!”

Mateo 4:3

Unupat miyabut nay manigpakursud nga si Satanas. Maat ya, “It Anak ka it Ampuꞌang Diyus, mampang ka lamang ka pabaraꞌen mu nga pangaꞌen i mga batu ngaytu.”

Marcos 1:1

Itu, magsugid tu it Magayen nga Baritaꞌ pasar it ki Jesu-Cristo, nga kanya i Anak it Ampuꞌang Diyus.

Marcos 1:24

Maat ya, “Unuy labe-labet mut amen, Jesus nga taga Nazaret? Unuy inasitu mu? Muuꞌ ka nat amen? Talagang magkaꞌrutan ku in siyu ka. Ikaw i ega basta-basta ngayan nga siyarigan it Ampuꞌang Diyus!”

Lucas 1:27

Piyapaꞌaduꞌun ya it esang umbay paꞌ nga babay nga si Maria i ngaran, nga naꞌupakat nay pagꞌasawa nira duwa ni Jose temed ega paꞌ naꞌubus, alwan paꞌ. Si Jose ngayti, tungtung-inapuꞌ naga ni David nga adiꞌ it tagnaꞌ.

Lucas 1:34

Kaꞌampang si Maria, maat ya, “Magꞌuꞌunu nga bagay yan, it daꞌku paꞌ nakalabay it maski siyu nga lalaki?”

Lucas 1:36

Baw daꞌga baꞌ may kaduguꞌan mu nga si Elisabet? Maꞌyag kat kadakel nga kanya, ega magꞌanak nga babay. Temed kayti, ikaꞌnem nang bulan it bebteng ya, maski maat gurang na kanya.

Juan 1:34

Naltegan ku nga talaga, aypaꞌ ipagpamatuud ku nga kanyay Anak it Ampuꞌang Diyus.”

Juan 1:49

“Aa bilaꞌ,” maat siꞌ ni Natanael, “Manigtulduꞌ, in atkayan palan, matuud nga ikaw i Anak it Ampuꞌang Diyus! Ikaw talagay Adiꞌ it bangsa nga Israel!”

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Mga Binwat 8:36

Siging panulduꞌ ni Felipe, siging panaw it sarakayan ngayti. Ega naꞌlay, nakaꞌbut na sira duꞌut may danum. Maat it katimbang ngayti, “Ta, danum nay ituꞌun. Unu yan, mapakay na nga bawtisan mu aku?”

Roma 1:4

Si Jesu-Cristo ngaytu, inimatay kanya temed nagꞌegen naga kanyat paꞌuliꞌ kat keseg it Espiritu Santo. Sikaytu ipiyamatuud nga, kanya, gunaan talagang Anak it Ampuꞌang Diyus. Si Jesu-Cristo ngaytuy Ampuꞌan tang muꞌsa.

Galacia 2:20

Ta kayti, maski egen aku paꞌ ngaytu, pagkilalaen ku nga subung it ega na akuy egen in daꞌga si Cristo na i egen kat bilug ku. Ka ega na aken nga kaꞌirgan i pagsunudun ku, in daꞌga kaꞌirgan ya na. Aypaꞌ mintras situ aku pat banwa, magpangaꞌgenan aku kat keseg it pamayaꞌ baw pagsarig ku it kanya nga Anak it Ampuꞌang Diyus, kanya nga nagpagtas it ginawa ya kat kadakulat raras ya it aken.

Efeso 2:3

Yay matuud, tagnaꞌ, atkayan nagay adat tami nga muꞌsa ka pagsunudun lamang i singkadan tang adat nga maraꞌe-raꞌet. Pagsumbayaꞌen i maraꞌe-raꞌet nga kaꞌirgan it bilug baw in unu nga kat pikiran. Aypaꞌ kat adat tami ngayti it tagnaꞌ, kaꞌuyutan tami talaga kat mga taw nga rigaen it Ampuꞌang Diyus, ka egay beken nga tumbas it aten nga taw nga makasalaꞌan.

Hebreo 4:15

Itu, Ega ngaytu Basta-basta nga Sasirduti tami, magkasanguꞌan ya kitang banar kat mga kalubayan ta nga magtaban it aten duꞌut kasalaꞌan, sabap kanya, naglabay nagat muꞌsang mga sukdan nga magꞌabut it aten nga taw. Temed kanya, ega nagkasalaꞌan.