Lucas 1:28 - Tagbanwa

²⁸ Miyabut i anghil ngayti duꞌun it ki Maria baw nagbegay it galang. Miyampang kanya, nga magꞌaat, “Makasagya ka nga banar ka talagang pagꞌildawan ka it Ampuꞌang Diyus. Pagtatarimaen ya talaga ikaw.”

Lucas 1:28 Iomraidhean Croise

Mateo 12:48

Pagkagneg ni Jesus, maat ya, “Eeꞌ, mabway mana.” Piyaꞌugdunan ya nga magꞌaat, “Sepsepen mi, siyuy inaꞌ ku baw siyu may siyu i mga sulsug ku?”

Lucas 1:27

Piyapaꞌaduꞌun ya it esang umbay paꞌ nga babay nga si Maria i ngaran, nga naꞌupakat nay pagꞌasawa nira duwa ni Jose temed ega paꞌ naꞌubus, alwan paꞌ. Si Jose ngayti, tungtung-inapuꞌ naga ni David nga adiꞌ it tagnaꞌ.

Lucas 1:29

Pagkagneg ni Maria, ega nakariꞌe-riꞌeng kanya, baw talagang naliluꞌ kanya it in unuy ireg sugiden it iti nga inampang.

Lucas 1:30

Maat siꞌ it anghil ngayti, “Ayaw kat iꞌlam, Maria, sabap piniliꞌ ka nga matuud it Ampuꞌang Diyus nga ildawan ya.

Lucas 1:42

Bawnga miyampang si Elisabet it diyadakulaꞌ ya nga magꞌaat, “Subraꞌ talagay ildaw it Ampuꞌang Diyus it imu, subraꞌ paꞌ it beken nga mga babay. Ildawan ya gasit subraꞌ i kanya nga pagbebtengen mu.

Mga Binwat 18:10

ka ega ku ikaw pabayaꞌan. Pagtatarimaen ku ikaw nga pirmi, isaꞌun egay maski siyu nga kapasipalat imu it pasakit u pakuriꞌ, ka dakel pay papamayaꞌnen kung taw situt itung siyudad.”

Efeso 1:6

Aypaꞌ ega nay kaskedan it pagbantug tat kanya sabap it ega basta-basta ngaytung ildaw ya nga ibinggay yat begay-matag, nga maꞌaten sabap it binwat ni Jesu-Cristo nga pagmaꞌa-maꞌalen ya nga banar.

Mga Pagbayaꞌen 6:12

Pagpakikita it Anghil ngaytit AMPUꞌANG DIYUS duꞌun it ki Gedeon ngayti, miyampang kanya nga magꞌaat, “Pagtatarimaen ka it AMPUꞌANG DIYUS, ikaw nga ega babasta-bastaen nga mandadaꞌeg.”