Lucas 1:27 - Tagbanwa

²⁷ Piyapaꞌaduꞌun ya it esang umbay paꞌ nga babay nga si Maria i ngaran, nga naꞌupakat nay pagꞌasawa nira duwa ni Jose temed ega paꞌ naꞌubus, alwan paꞌ. Si Jose ngayti, tungtung-inapuꞌ naga ni David nga adiꞌ it tagnaꞌ.

Lucas 1:27 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Mateo 1:16

Si Jacob, amaꞌ ni Jose nga asawa ni Maria. Si Maria i inaꞌ ni Jesus nga pagtaꞌwagen it Cristo.

Mateo 1:18

Atkaytu yan i kapanganakan it ki Jesu-Cristo. Si Maria ngayti nga yanay paꞌaaten nga inaꞌ ya, naꞌupakat nay pagꞌasawa nira duwa ni Jose temed ega paꞌ naꞌubus, alwan paꞌ. Ta lamang daꞌsira paꞌ nakapagdemket, mamuyaan, magdarugmatiꞌ na si Maria ngayti. Miyatkayti ka kat keseg it Espiritu Santo.

Mateo 1:23

“Dumarugmatiꞌ i esang umba-umbay paꞌ nga ega paꞌ nakalabay it lalaki. Sumakit nga anak ya, lalaki. Taꞌwagen kanya nga Emmanuel (nga ireg sugiden, kaꞌiba-iba tami na i Ampuꞌang Diyus).”

Lucas 1:28

Miyabut i anghil ngayti duꞌun it ki Maria baw nagbegay it galang. Miyampang kanya, nga magꞌaat, “Makasagya ka nga banar ka talagang pagꞌildawan ka it Ampuꞌang Diyus. Pagtatarimaen ya talaga ikaw.”