Lucas 1:20 - Tagbanwa

²⁰ Kayti it subuk magpakiꞌambut ka it isiyugid ku ngaytut imu, daꞌka na kaꞌampang. Subung ka na it buyun seked it aldaw nga matuman na i itu nga bagay. Ka siguradung matuman yan, basta naꞌbut nay timpu.”

Lucas 1:20 Iomraidhean Croise

Exodo 4:11

Temed maat i tubag it AMPUꞌANG DIYUS, “Siyu i nagbuwat it baꞌbaꞌ it taw? Siyu i may kaya nga magkapabngel baw magkapabuyun ya i taw? Baw siyu gasiꞌ i magkapableg it taw baw siyu i magkabgay it maꞌyag nga panleteg? Daꞌga aku ga nga AMPUꞌANG DIYUS i may kakayaan kaytu?

Mga Bilang 20:12

Temed maat it AMPUꞌANG DIYUS it ki Moises baw ki Aaron, “Sabap it kimnurang i pamayaꞌ mi it aken, ka ega ipiyakilala mi i ega basta-bastang guna baw kabantugan ku kat adapan it kadakel, ega na kamu i tumaban it mga taw ngaytu duꞌun it banwa ngayan nga ibgay ku it kanira.”

Marcos 16:14

Baw siꞌ nga nagpakikita na si Jesus it sang puluꞌ may esa ngayti nga mga alagad ya. Mamagkaꞌen i tiyakaꞌ ya. Siyardaw ya sira sabap kurang pay pamayaꞌ nira, baw sabap it kadsen it ulu nira nga daꞌsira ngayti magpamayaꞌ it mga piyakikitaan ya, pagꞌegen ya na ngaytit paꞌuliꞌ.

Marcos 9:19

Pagkagneg ni Jesus, maat ya, “Kamung mga taw kayti, kurang talagay pamayaꞌ mi. Kaꞌnu mana baytuy ipamayaꞌ mi nga banar it naꞌlay na nga kaꞌiba-iba mi aku? Seked it kaꞌnu kaꞌilangan nga pagsagkaꞌen kuy adat mi ngaytu? Ipaꞌasini mi nat aken i waꞌwaꞌ ngayan.”

Lucas 1:19

Katubag i anghil ngayti, “Aku ngaytu, si Gabriel nga manigsirbi kat adapan it Ampuꞌang Diyus. Tiyaꞌeg ya aku nga paꞌasitu ka ipaꞌrut it imu i magayen ngaytu nga baritaꞌ nga isiyugid ku na ngaytut imu.

Lucas 1:21

Iyan mga taw ngayti duꞌut liꞌwan, yanayti mamagꞌeꞌlat it ki Zacarias nga nanganteng it kamangyan. Naliluꞌ sira in unuka naꞌlay kanya duꞌun it seled it Templo.

Lucas 1:22

Pagliꞌwan ni Zacarias, buyun na nga matuud. Binuyun nay pakisugid yat mga taw ngayti duꞌut liꞌwan. Aypaꞌ natantuwan nira nga may ipiyalteg it Ampuꞌang Diyus it ki Zacarias duꞌut seled. Ta, garing sikayti, buyun na si Zacarias nga matuud.

Lucas 1:45

Talagang magkasagya ka sabap piyakimatuud mu nga matuman i kumpur ipiyasugid it Ampuꞌang Diyus.”

Lucas 1:64

Ta, dengan it nagꞌuliꞌnan siꞌ nga nakaꞌampang si Zacarias ngayti, dayun it biyantug ya i Ampuꞌang Diyus.

Roma 3:3

Temed maat mu, “Unuy kapulusan kayan it may ega naga simnunud it magsusurat duꞌun?” Paꞌugdun mu paꞌ, “Daꞌga baꞌ ega na tumanen it Ampuꞌang Diyus i isiyanggup ya ngaytut mga Judio?”

2 Timoteo 2:13

Baw yay matuud, in beteꞌ kita, pabaꞌgu-baꞌgu, temed kanya, egay pagbaꞌgu yat kanya, ka egay maski unu nga pagꞌugadan it mga adat baw inampang yat kanya.

Tito 1:2

Baw matantuwan nira nga sabap it pamayaꞌ baw pagpasakep nirat Magayen ngaytung Baritaꞌ, makanira talaga i kaꞌgenan nga egay kaskedan. Ka itu ngaytu, talagang isiyanggup naytu nga lagi it Ampuꞌang Diyus parabir giyuna yay banwa. Baw basta Ampuꞌang Diyus, talagang ega kanya magꞌambut.

Hebreo 6:18

Basta simnanggup i Ampuꞌang Diyus baw nanumpa paꞌ kanya, talagang siguradu i pagtuman ka ega mapakay nga mambut kanya. Aypaꞌ piyasagya nang banar i nakem tami, kita nga nagpaꞌimbeng duꞌut kanya, isaꞌun inawaren tat nakaꞌunay nga inawar i kagayenang isiyanggup ya.

Mga Ipiyalteg 3:19

Kumpur pagmaꞌalen ku, pagpadisiran ku sirat magayen. Pagsabatan kuy mga kamaliꞌ nga pagbuwaten nira baw pagtaldengen ku sira. Aypaꞌ kaꞌilangan tingled i nakem mi. Singuliꞌan mi baw indiꞌan mi nay kasalaꞌan mi it kayti nga lagi.