Lucas 1:19 - Tagbanwa

¹⁹ Katubag i anghil ngayti, “Aku ngaytu, si Gabriel nga manigsirbi kat adapan it Ampuꞌang Diyus. Tiyaꞌeg ya aku nga paꞌasitu ka ipaꞌrut it imu i magayen ngaytu nga baritaꞌ nga isiyugid ku na ngaytut imu.

Lucas 1:19 Iomraidhean Croise

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Lucas 1:20

Kayti it subuk magpakiꞌambut ka it isiyugid ku ngaytut imu, daꞌka na kaꞌampang. Subung ka na it buyun seked it aldaw nga matuman na i itu nga bagay. Ka siguradung matuman yan, basta naꞌbut nay timpu.”

Lucas 1:26

Desang enem na nga bulan i beteng ni Elisabet, tiyaꞌeg siꞌ it Ampuꞌang Diyus i anghil ngayti nga si Gabriel. Duꞌut lansangan it Nazaret nga sakep it Galilea i tiyaꞌgan ya.

Lucas 2:10

Temed inaat sirat anghil ngayti, “Ayaw kamut iꞌlam. May magayeng baritaꞌ nga taban ku nga isugid kut imyu, nga megay it dakulaꞌ nga kasagyaan kat muꞌsang taw.

Lucas 21:36

Aypaꞌ magꞌaꞌalistu kamu nga pirmi, baw pirming magpanalangin nga magꞌangut it ega maꞌunu i pamayaꞌ baw pagsarig mit aken pagꞌabut it mga kakuriꞌan ngaytu. In daꞌga, makateꞌteꞌ kamu, isaꞌun masagya kamu nga kaꞌadap it aken nga Taga Langit nga Ipiyanganak it Taw it egay pagꞌiꞌlaman.”

Hebreo 4:14

Iyan talaga i magayen, subrang ipapaꞌgen tami i pagpakimatuud baw pamayaꞌ tami it ki Jesus. Ka kanya i Anak it Ampuꞌang Diyus baw nagbaraꞌ kanya nga Ega Basta-bastang Piyakamataꞌas nga Sasirduti tami duꞌut langit, nga magpanindeg nga pirmi it aten duꞌun it adapan it Ampuꞌang Diyus.