Lucas 1:18 - Tagbanwa

¹⁸ Kaꞌampang si Zacarias nga ingkut yat anghil ngayti. Maat ya, “Unu bay kamatuudan kayan, it duwa kami magꞌasawa, ubꞌub na it kagurang?”

Lucas 1:18 Iomraidhean Croise

Genesis 15:8

Maat siꞌ i tubag ni Abram, “Tabiꞌ, Agalen ku, unuy kamatuudan it talagang maꞌaken i itung banwa?”

Genesis 17:17

Simnaꞌup siꞌ si Abraham it nanluud it magtetꞌem i rupa, temed nakaslem kanya. Kat nake-nakem ya, “Sang gatus nang taꞌun i idad ku baw si Sara ngaytu, ungaytu, manganak palan kanya it maski siyam nang puluꞌ i idad ya!”

Genesis 18:12

Nakaslem si Sara nga nakagneg kayti. Kat nake-nakem ya nga, “Unuka aget pay atkayan it ungaytu, ubꞌub kami nang duwa?”

Lucas 1:34

Kaꞌampang si Maria, maat ya, “Magꞌuꞌunu nga bagay yan, it daꞌku paꞌ nakalabay it maski siyu nga lalaki?”

Lucas 1:7

Temed sira ngayti, egay aꞌanak ka si Elisabet, ega magpanganak nga babay seked it gurang na ngayti sira nga duwa.

Roma 4:19

Kat iting timpu magsasang gatus nang taꞌun i idad ya. Maꞌaat nang atnat patay nay bilug ya, ta unu pay ikaꞌanak ya? Ta, asawa ya gasiꞌ, ega magpanganak nga babay. Temed maski atkayti, ega nagduwa-duwa i pamayaꞌ yat inaat it Ampuꞌang Diyus.