Lucas 1:17 - Tagbanwa

¹⁷ Ka kanya ngaytuy taꞌgen nga muꞌna it isiyanggup nga Cristo. Yay matuud, kat pagmaꞌiseg it nakem ni Juan ngayti baw kat guna it Ampuꞌang Diyus nga duꞌut kanya, subung talaga kanya it ki Elias ngayting prupitaꞌ it tagnaꞌ paꞌ. Sabap kat panulduꞌ ya, magkagayen siꞌ i mga amaꞌ baw mga anak. Baw papaꞌuliꞌen ya kat kasepsep it mga mataldeng i mga ega mamagsunud it Ampuꞌang Diyus, isaꞌun kat panulduꞌ ya ngayti, masiguru ya nga pagꞌabut it Ampuꞌan, magꞌaꞌalistu nay mga taawan ya.”

Lucas 1:17 Iomraidhean Croise

1 Mga Adiꞌ 17:1

Ta it atkayti, miyabut duꞌut ki Acab ngayti si Elias nga prupitaꞌ. Taga Tisbe kanya nga duꞌut Galaad. Pagꞌabut, maat ya, “Talagang pagdedngegen tami it AMPUꞌANG DIYUS it Israel nga pagsirbiyan ku. Yay matuud, kat mga taꞌun ngaytu nga magdadarapaꞌ, maski dikdik, ega dimikdik. Eeꞌ baꞌ, panugpuꞌ bang masked, ega manugpuꞌ seked it luwasen ku siꞌ i itu nga inampang ku.”

1 Mga Adiꞌ 18:18

“Ega aku i magpanranggaꞌ it Israel ngaytu,” maat ni Elias ngayti, “in daꞌga kamu nga kumpur kaduguꞌan it amaꞌ mu. Sabap liyaban mi i mga urdin it AMPUꞌANG DIYUS ka yanay pagsambaen mi, si Baal.

1 Mga Adiꞌ 21:20

Siyunud ni Elias i ipiyagꞌaat ngaytit kanya. Pagkalteg ni Acab it ki Elias ngayti, maat ya, “Waytu ka siꞌ, ikaw nga kalaban ku. Naparagan mu siꞌ aku.” Tumubag si Elias ngayti, maat ya, “Ta, it may enged ku siꞌ baytu situt imu, sabap talagang yanay nakapnuꞌ it imu, karaꞌe-raꞌetan kat panleteg it AMPUꞌANG DIYUS.

Mateo 11:14

Baw in ireg mi nga pamayaꞌnen i kamatuudan, matantuwan mi nga si Juan ngaytu, pagtumanen yay isiyugid it prupitaꞌ nga paꞌuliꞌ siꞌ situ si Elias.

Mateo 14:4

Sabap pirmi nga pagꞌaaten kanya ni Juan nga maat ya, “Ega mapakay nga magsagpun kamu, ka kuntrat urdin i agawun muy ipag mu ngayan.”

Mateo 3:3

Si Juan na ngaytu i pagpaꞌiguꞌan it isiyugid it prupitaꞌ nga si Isaias, nga magꞌaat, “May magpanggaꞌmaran duꞌun it rugar nga kapupuyangtan, nga magꞌaat i pagꞌaaten, ‘Buwatan mit dalan i Ampuꞌan. Diritsuun baw gayen-gayenen mi i panawan ya ngaytu.’”

Mateo 3:4

Inabel nga bulbul it ramu-ramu nga kamelyo i pakayan ni Juan ngayti, baw sambut ya binwat nga kulit it bakaꞌ. Payaꞌtung nga apan baw deges it putyukan i pangaꞌen ya.

Lucas 1:16

Talagang dakel nga tungtung-inapuꞌ ni Israel i ipapaꞌuliꞌ ya duꞌun it Ampuꞌang Diyus nira.

Lucas 1:76

Ta, ikaw na, anak ku, taꞌwagen ka nga prupitaꞌ it Ampuꞌang Diyus nga Subrang Piyakamataꞌas. Sabap makauꞌna ka it Ampuꞌan isaꞌun asikasuun mu i panawan ya.

Juan 1:13

Ega maat naꞌanak sirat Ampuꞌang Diyus sabap it ipiyanganak ya sira nga subung it panganak it taw u sabap it adat u kaꞌirgan it nagꞌasawa, in daꞌga naꞌanak sira kat kaꞌirgan it Ampuꞌang Diyus.

Juan 1:34

Naltegan ku nga talaga, aypaꞌ ipagpamatuud ku nga kanyay Anak it Ampuꞌang Diyus.”

Juan 3:28

Kamu na kayti i magkapamatuud it iyan nga isiyugid ku, nga maat ku basaꞌan, ega aku i Cristo. Tiyaꞌeg aku lamang nga tigauꞌna ya.

Mga Binwat 10:33

Aypaꞌ, may tiyaꞌeg ku nga lagi nga mamisiꞌ it imu. Nakapanalamat aku ka miyayaꞌ ka. Ta kayti, muꞌsa kami ngaytu nga natingped situ kat panleteg it Ampuꞌang Diyus ka kupaganeg kami it kumpur ipiyagꞌaat yat imu nga ipaꞌyag mu situt amen.”

Roma 9:23

Unu pay maꞌaat ta in binwat yay atkaytu isaꞌun ipakilala yay kabantugan ya nga egay kasbung kat mga taw nga ipiyabetang ya nga ildawan ya, sira nga piniliꞌ baw pagtabangen ya isaꞌun itsu sirang mangaꞌgenan duꞌun it kabantugan ya ngaytu?

Colosas 1:12

Baw masasagya kamu nga magpasalamat nga pirmi duꞌut Diyus Amaꞌ. Ka kamu gasiꞌ, binwat ya nga mapakay nga bagiꞌan it mga magagayeng bagay nga areg ya it muꞌsang piniliꞌ baw ipiyapinpin ya nga mga taawan ya na, sira nga magpangaꞌgenan na kat kaꞌyagan ya.

2 Timoteo 2:21

Ta kayti, iyan mga taw nga magpaꞌalaid na kat muꞌsang karaꞌe-raꞌetan, iyan i subung it garamiten ngaytu nga ega basta-basta. Sabap iyan i nakasiguru nga kat Ampuꞌan ya na, nga magkapakinabangan baw alistu nga pirmi kat in unu nga magayen nga pagbuwaten.

1 Pedro 2:9

Temed kamu, mga taw kamu nga piniliꞌ it Ampuꞌang Diyus. Mga adiꞌ kamu kat kaꞌadiꞌan ya, baw mga sasirduti nga magsirbi it kanya. Subung kamu nat esang bangsat taw nga ipiyasiguru it Ampuꞌang Diyus nga talagang kanya na. Piniliꞌ kamu nga mga taawan ya isaꞌun ipatanyag mi i mga kalililuꞌan nga mga buwat ya. Ka kanya i nagpaliꞌwan it imyu kat kadleman it kasalaꞌan isaꞌun mangaꞌgenan kamu kat kaꞌyagan it ega basta-bastang kagayenan ya.

1 Juan 2:28

Aypaꞌ, mga bilang anak ku, teꞌteꞌan mi si Jesu-Cristo, isaꞌun, pagpaꞌuliꞌ ya situ, daꞌta na magꞌaliꞌ-aliꞌ u meyaꞌ it kanya in duꞌun nat adapan ya.

Mga Ipiyalteg 20:4

Sunud sing naltegan ku, may mga araꞌdungan it magꞌadiꞌ. Binggayan it pudir nga mangukuman i mga mamagꞌaꞌdung duꞌun. Duꞌun gasiꞌ i mga kiyarurwa it mga inimatay sabap it pamatuud nira it ki Jesus baw pangadal nira it ampang it Ampuꞌang Diyus. Talagang daꞌsira simnamba it kumakaꞌen ngayting ramu-ramu. Subraꞌ nay ladawan ya, talagang daꞌsira simnamba. Daꞌsira gasiꞌ nagpaꞌimandaꞌan it markaꞌ it ramu-ramu ngayti duꞌut peges nira u alima nira. Inggen i iting mga taw ka maꞌiba sira ni Cristo nga magꞌadiꞌ it seledan ngaytit sang ribung taꞌun.