Lucas 1:15 - Tagbanwa

¹⁵ Ka mataꞌas kanya kat panleteg it Ampuꞌang Diyus. Ega yan mapakay nga minum kanyat maski unu nga kalasit irimnun nga kalalangu. Ka pagbebtengen payan kanya, pagsasaruman nat Espiritu Santo.

Lucas 1:15 Iomraidhean Croise

Genesis 12:2

Ka ituy sanggup ku it imu. Buwaten ku ikaw nga esang dakulaꞌ nga bangsa, baw pagꞌildawan ku ikaw nga pirmi. Buwaten ku nga mabantug i imung ngaran baw buwaten ku ikaw nga panggaringan it maꞌildawan i beken.

Lucas 1:14

Talagang sumagya kamu yan nga banar. Ega lamang kamu i sumagya, pati beken gasiꞌ. Ka dakel i makasagya sabap it pagsakit ya.

Lucas 7:28

Matuud talagay iꞌaat ku ngaytut imyu, nga kat muꞌsa nga piyapagtaw situt banwa, egay kasubraꞌ it kataꞌasan ni Juan ngaytu nga uꞌna-uꞌnang namawtis. Temed kayti, maski raꞌyat, basta pasakep kanyat kaꞌadiꞌan it Ampuꞌang Diyus, talagang kasubraꞌ paꞌ kanya it ki Juan ngaytu.”

Lucas 7:33

Subung kamuy imyu it kanira, ka ega gasiꞌ magkapakay mi i maski unu. Sabap si Juan nga magpamawtis, magpuwasa kanya baw ega magꞌinum it irimnun nga kalalangu. Ta, pagꞌaaten mi nga pagpapulpugun kanyat maraꞌe-raꞌet.

Juan 5:35

Si Juan ngayti katꞌesa, kaꞌalimbawaan ya, subuk magsusgu nga tidaw sabap, mga ipiyanulduꞌ ya, minggay it eyag kat pikiran it mga taw. Nasagyaan mit sang dekeyeꞌ i eyag ya ngaytu.

Mga Binwat 2:4

Piyasaruman na sirang muꞌsa it Espiritu Santo, baw kat panakem it Espiritu Santo ngayti, nagpapuꞌun sirat mampang it belag-belag nga mga ampang nga ega naꞌadalan nira.

Galacia 1:15

Temed kat kaꞌildaw it Ampuꞌang Diyus it aken, piniliꞌ ya nang lagi aku parabir aku ipiyanganak baw ipiyatindeg ya aku nga manigsirbi it kanya.

Efeso 5:18

Raꞌwayen mi nay adat nga palangu, ka iyan i magtaban it imyu kat pangaꞌgenang ega nay kaꞌayusan. Kaꞌilangan ega na irimnun i magbebegbeg baw magpanakem it imyu, in daꞌga Espiritu Santo na.

Josue 4:14

Kat iting aldaw binwat it AMPUꞌANG DIYUS si Josue nga ega babasta-bastaen kat mata it kadakel ngayti, aypaꞌ ka mintras egen si Josue, paggalangen kanya it mga kaꞌibaan ya ngayti, subung nagat paggalang nira it ki Moises.