Levitico 10:2 - Tagbanwa

² Aypaꞌ may ipiyadiklap it AMPUꞌANG DIYUS nga apuy nga minimatay it kanira, it duꞌun paꞌ sirat adapan ya ngayti.

Levitico 10:2 Iomraidhean Croise

2 Samuel 6:7

Kat iting binwat nga tiyapal yay Kaban ngayti, miniseg i AMPUꞌANG DIYUS. Sakaling natay si Uza ngayti nga duꞌun nagat umid it Kaban ngaytit Pakiꞌupakat ka panriga it Ampuꞌang Diyus it kanya.

1 Mga Adiꞌ 18:38

Desang magkatupus i ampang ngayti ni Elias, nagpadiklap nay AMPUꞌANG DIYUS it apuy nga miyanteng it ipagsamba ngayti. Dingketan i kayu pati mga batu, nagbaan i lugtaꞌ, baw napra i danum duꞌut kali ngayting maglilibut.

Exodo 24:1

Maat siꞌ it AMPUꞌANG DIYUS it ki Moises, “Tumungul ka siꞌ ka madap siꞌ it aken. Pabayaꞌen mu si Aaron baw mga anak ya nga si Nadab baw si Abiu, baw pitung puluꞌ i mga ginuꞌu it mga Israelita. Sira ngaytu, sumamba it aken, temed asan sirat ala-alaid.

Levitico 10:5

Egay beken, siyunud nira i inaat ngayti ni Moises. Ipiyaliꞌwan i mga miyatay nga mamagpapakay naga it pakayan nira nga pakayan it sasirduti.

Levitico 16:1

Pagpatay it duwa ngayting anak ni Aaron nga inimatay it AMPUꞌANG DIYUS sabap it kasalaꞌan nira, inaat it AMPUꞌANG DIYUS si Moises.

Mga Binwat 5:10

Ta atkayti naga, pagkagneg it babay ngayti, gimimbaꞌ kanya nga lagi ka natay gasiꞌ, subung nagat asawa ya. Egay beken, pagkasled it mga namagpanlebeng ngayti, yay piyagꞌaꞌandaꞌat mata nira, miyatay siꞌ ngayti. Aypaꞌ iti siꞌ i ilimbeng nira. Limbengan nira, duꞌun nagat umid it asawa ya ngayti.

Mga Binwat 5:5

Ta, pagkagneg kayti ni Ananias, gimimbaꞌ kanya nga lagi ka natay na. Aypaꞌ ka namagꞌiꞌlam i kumpur nakalteg baw nakabaritaꞌ kayti.

1 Corinto 10:11

Nagꞌabut tu it kanira nga bilang paꞌimbanda it kadakel, baw isiyurat isaꞌun paꞌimbandaan tami gasiꞌ, kita nga mga inabut na it sauryan nga timpu.