Juan 9:34 - Tagbanwa

³⁴ Kaꞌampang siꞌ i mga Pariseo ngayti, maat nira, “Ipiyanganak ka nga makasalaꞌan nga banar. Kayti ikaw pay manulduꞌ it amen!” Pagkaꞌampang nira kayti, inimugaw na nira.

Juan 9:34 Iomraidhean Croise

Genesis 19:9

Temed simnigraꞌ gay ampang nira. Maat nira, “Asan! Magpedek kat ampang-ampang! Ikaw nga dayuꞌan, namanwa ka lamang situt amen, bawnga kayti, pagꞌukumanan mu na kami! Kayti, subraꞌ nga maraꞌe-raꞌet i buwaten namen it imu, subraꞌ paꞌ it kanira.” Pagkaꞌampang nira kayti, isiyuꞌmud-suꞌmud na nira si Lot. Inlep na niray talaꞌep ka ranggaꞌen na.

Exodo 2:14

“Bilaꞌ, siyuy nagpatindeg it imu nga pagbayaꞌen baw manigꞌukuman it amen? Siguru kuꞌimatayen mu gasiꞌ aku subung it binwat mu ngayan katꞌapun it taga Egipto ngayti!” maat i tubag it kanya it sang kataawan. Miniꞌlam si Moises, pagkagneg ya kayti. “Aaꞌ, iyan palan,” kat nake-nakem ya, “nataksiꞌan naga i binwat ku ngayan it taga Egipto.”

Lucas 11:45

May miyampang nga esang manigpaꞌyag it urdin. Maat ya, “Manigtulduꞌ, kat iyan nga inampang mu, pati kami, pagtibabaꞌen mu na.”

Lucas 14:11

Ka yay matuud, iyan mapiyataꞌas-taꞌas, buwaten kanya nga mababaꞌ. Baw iyan mapiyababaꞌ, iyan i buwaten nga mataꞌas.”

Lucas 18:17

Matuud tuy iꞌaat ku ngaytut imyu, nga in siyuy ega pasbung it waꞌwaꞌ nga dekeyeꞌ kat pagpasakep yat pamegbeg it Ampuꞌang Diyus, ega talaga makasled duꞌun it kaꞌadiꞌan ya ngayti.”

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Juan 8:41

Iyan mga pagbuwaten mi, subung naga it buwat it amaꞌ mi.” “Ega naga kami i lupaw,” maat siꞌ i tubag nira. “Ampuꞌang Diyus naga i Amaꞌ namen.”

Juan 9:2

Iningkut kanyat mga alagad ya ngayti, maat nira, “Manigtulduꞌ, siyu manggid i may kasalaꞌan ka sumakit i itung taw, beleg na? Unu kanya u mga giyaringan ya?”

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

Juan 9:35

Nabaritaꞌan ni Jesus nga taw ngayting beleg nga piyagayen ya, inimugaw nat mga Pariseo. Pagkaparag ni Jesus it kanya, iningkut ya nga magꞌaat, “Unu, magpamayaꞌ ka it kanya nga Taga Langit nga Ipiyanganak it Taw?”

Juan 9:40

Nagnegan tu it mga Pariseo nga duꞌun it tepad nira i iti nga inampang ni Jesus, aypaꞌ miningkut sirang lagi, nga magꞌaat, “Siguru daꞌkami baytu uyut it mga beleg ngayan nga paꞌaaten!”

Galacia 2:15

Ka kita, Judio tami nga manengteng, nga magkilala it Ampuꞌang Diyus, ega subuk mga taw nga ega Judio nga egay pagkilala nira it Ampuꞌang Diyus ngaytu. Temed it namayaꞌ tami nat ki Cristo,

Efeso 2:3

Yay matuud, tagnaꞌ, atkayan nagay adat tami nga muꞌsa ka pagsunudun lamang i singkadan tang adat nga maraꞌe-raꞌet. Pagsumbayaꞌen i maraꞌe-raꞌet nga kaꞌirgan it bilug baw in unu nga kat pikiran. Aypaꞌ kat adat tami ngayti it tagnaꞌ, kaꞌuyutan tami talaga kat mga taw nga rigaen it Ampuꞌang Diyus, ka egay beken nga tumbas it aten nga taw nga makasalaꞌan.

1 Pedro 5:5

Ta kamu gasiꞌ nga mga kamangaꞌwaꞌan, pasakep kamut magayen it padisir it mga magugurang nga magpamaalaꞌ it imyu. Baw kaꞌilangan nga mapiyababaꞌ kamu nga muꞌsa, nga magsigsirbi it esa may esa. Sabap inaat ngayan duꞌun it kasuratan, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”

3 Juan 1:10

Aypaꞌ in kapaꞌasan aku, abigwaren kuytuy muꞌsa ngayang buwat ya, nga talagang paglibaken ya kami. Baw subuk ega paꞌ magkaꞌustuꞌan kanyat itung buwat ya, in daꞌga dungag ya paꞌ, ega pagtanggapen yay mga mamagpangadal ngaytit pasar it ki Jesus. Maꞌunu tanggapen ya isan yan pagpaaren ya paꞌ baw pagꞌawaꞌen ya kat kanirang gurupu nga magpamayaꞌ i iyan mamagꞌireg tumanggap it mamagꞌabut ngayan asan.

3 Juan 1:9

Piyatabanan ku nat surat i mga magpamayaꞌ asan, temed daꞌku giyuman-guman ni Diotrefes, ka yay kanget it nakem ya, kanya i kilalaen nga magpanguꞌnaan.

Mga Ipiyalteg 13:17

Talagang ega mapakay nga mangalang u paꞌalang i iyan nga egay markaꞌ nga ngaran it kumakaꞌen ngayting ramu-ramu u bilang nga iti nagay pagpaꞌiguꞌan.