Juan 9:29 - Tagbanwa

²⁹ Ka magkaꞌrutan namen nga piyakisugidan it Ampuꞌang Diyus si Moises, temed iyan nga taw, ega magkaꞌrutan namen in ari piyandungwatan ya kayan.”

Juan 9:29 Iomraidhean Croise

Malakias 4:4

Dedemdemen mi i mga ipiyanulduꞌ ni Moises nga mga urdin baw kaꞌadatan, nga ipiyaskel ku it kanya duꞌun it Bukid it Horeb, nga iyan i sunudun it bangsa nga Israel.

Mateo 12:24

Nadenge-dengegan it mga Pariseo i pamagrundingen it mga katataawan ngayti. Aypaꞌ ka maat nira, “Bilaꞌ, unu bay imyut, magkaꞌimugaw bayan it maraꞌe-raꞌet ka may asat kanya nga kakayaan ni Beelzebub nga pagbayaꞌen it muꞌsang mararaꞌe-raꞌet!”

Mateo 26:61

nga magꞌaat, “Maat bayan it itung taw, kaya ya kunuꞌ nga ranggaꞌen yay Templo it Ampuꞌang Diyus ka emanen ya it tulung aldaw lamang.”

Lucas 23:2

Ipiyaꞌapyat na niray dimanda nira nga magꞌaat, “Nadakep namen i itung taw nga magpaneꞌag-teꞌag it mga kabanwa namen. Baw pagpaaren ya gasiꞌ, nga egay magbayad it mga barayadan duꞌun it Impiradur. Baw dungag paꞌ kayan, pagpapamayaꞌnen yay katataawan nga kanyay Cristo ngayting isiyanggup nga magꞌadiꞌ it amen.”

Juan 1:17

Sabap ibinggay it Ampuꞌang Diyus i mga urdin ya duꞌut ki Moises nga ipiyagꞌurdin yat aten, temed iyan ildaw ya baw kamatuudan pasar it sadili ya, ipiyatantu yat aten duꞌun it ki Jesu-Cristo.

Juan 7:27

Temed daꞌga baꞌ egay magkaꞌrut in ariyen i garingan it Manriribring Adiꞌ ngaytung isiyanggup nga paꞌasitu? Takaꞌ in itung taw, urut tami nga muꞌsa i giyaringan ya.”

Juan 7:28

Ta it atkayti, nanggaꞌmaran na si Jesus ngayti, nga magpanulduꞌ duꞌun it Templo. Maat ya, “Unu baꞌ, magkakilalaan mi aku? Unu, magkaꞌrutan mi in ari talagay giyaringan ku? Yay matuud, egaytu naꞌasitu aku it sadi-sadili ku na lamang, in daꞌga may timnaꞌeg it aken. Purus kamatuudan i kanya ngaytu temed ta, ega magkakilalaan mi kanya.

Juan 8:14

Katubag si Jesus it kanira, maat ya, “Maski maat mi sadi-sadili ku i pamatuud ku it bilug ku, temed matuud tuy pagꞌaaten ku ngaytu, sabap urut ku in ari giyaringan ku baw in ari aduꞌunan ku. Temed kamu, ega magkaꞌrutan mi in ari giyaringan ku baw in ari aduꞌunan ku.

Juan 9:16

Maat i beken nga mga Pariseo ngayti, “Talagang ega garing duꞌun it Ampuꞌang Diyus i iyang taw, sabap it ega pagꞌintindiyen yay Aldaw it Kapaꞌnaan ngaytu.” Temed beken, magꞌaat gasiꞌ nga magꞌuꞌunu makabwat it atkaytung mga tandaꞌanan nga kalililuꞌang bagay i esang makasalaꞌan? Sikayti ega siꞌ magparag-paragen sira it pagsugiden.

Juan 9:24

Aypaꞌ ka ipiyatawag nira siꞌ i beleg ngayti, ka iningkut nira siꞌ nga magꞌaat, “Kayti pagdedngegen kat Ampuꞌang Diyus. Aypaꞌ isugid muy kamatuudan, ka urut namen nga makasalaꞌan i iyang taw.”

Juan 9:30

Katubag siꞌ i beleg ngayti, maat ya, “Talagang kalililuꞌan yan, nga ega magkaꞌrutan mi in ari giyaringan ya kayan, takaꞌ piyagayen ya aku nga kayti daꞌku na beleg.

Mga Binwat 22:22

Seked lamang duꞌun kayting ampang ya i piyagnegan it kadakel ngayti. Pagkagneg nirat siyangpit yay mga taw nga ega Judio, simnikrab siꞌ i iseg nira. Ipaggaꞌu-gaꞌuy na nira nga magꞌaat, “Kaꞌilangan, taw nga subuk kanya, iriꞌen na situt banwa! Ega nayan mapakay nga egnen kanya!”

Mga Binwat 26:22

Temed yay matuud, daꞌku pagpabaya-bayaꞌan it Ampuꞌang Diyus. Talagang pagtabangen ya aku seked it kayti ngaytu, aypaꞌ ka situ aku naga magtitindeg, nga egen paꞌ. Baw magpamatuud aku kat muꞌsang taw, timawaꞌ u mataꞌas, nga egay beken nga ipagpangadal ku in daꞌga iyan lamang, mga bagay nga mabut nga ipiyagsugid ni Moises baw mga prupitaꞌ.

Mga Binwat 7:35

Maat paꞌ ni Esteban, “Ta, si Moises ngayti nga ega kinilala nira, ka maat nira, ‘Siyuy nagpatindeg it imu nga pagbayaꞌen baw manigꞌukuman it amen?’, kanya na ngayti i ipiyatindeg it Ampuꞌang Diyus nga pagbayaꞌen nga paliꞌwan it kanira kat pagkaꞌuripen nira ngayti. Nabwat yaytu kat tabang it Anghil ngaytit Ampuꞌang Diyus nga naltegan ya duꞌun it kayu-kayu.

Hebreo 1:1

Iyan timpu paꞌ it mga kagiyaringanan tami, iyan mga kusugiden it Ampuꞌang Diyus it kanira, ipiyaꞌampang yat mga prupitaꞌ kat belag-belag nga timpu baw belag-belag gasiꞌ nga pabetang-betang ya.

Hebreo 1:2

Temed kayti, kat aten na ngaytu nga timpu, mismu Anak ya na i magtataban it ampang ya nga miyabut situt aten. Anak ya ngaytu i ipiyatindeg ya nga tumagpuꞌun it muꞌsang bagay baw egay beken nga piyaguna yat muꞌsang mga paryaman nga magkaltegan ta in daꞌga Anak ya naga ngaytu.