Juan 9:24 - Tagbanwa

²⁴ Aypaꞌ ka ipiyatawag nira siꞌ i beleg ngayti, ka iningkut nira siꞌ nga magꞌaat, “Kayti pagdedngegen kat Ampuꞌang Diyus. Aypaꞌ isugid muy kamatuudan, ka urut namen nga makasalaꞌan i iyang taw.”

Juan 9:24 Iomraidhean Croise

Marcos 15:27

Duwang kataawan nga mga manigpanrangpas i kadengan ya nga iriyansang duꞌut krus. Esay kat iwanan ya nga ayun i piyatindegan, esa, kat gibang ya nga ayun.

Lucas 15:2

Temed remeteng-retengan i mga Pariseo baw manigpaꞌyag it urdin. Maamaatan sira, “Talagang itung taw, pagpakikumbiꞌlidan yay mga makasalaꞌan baw magpakikaraꞌnen paꞌ it kanira.”

Lucas 19:7

Egay beken, muꞌsa nga nakalteg kayti, remeteng-retengan nga maamaatan, “Bilaꞌ, magpaꞌabut kanya duꞌun it esa nga makasalaꞌan!”

Lucas 7:39

Pagkalteg it Pariseo ngayti nga minimbitar it ki Jesus, maat i kat nakem ya, “In talagang prupitaꞌ i itung taw, simpri magkaꞌrutan ya in unu nga kalasit babay i magtapa-tapal ngaytut kanya, ka babay tu nga makasalaꞌan.”

Juan 14:30

Ega abwatayen ku nga pakisugi-sugid it imyu, ka magꞌaꞌabut na si Satanas nga magsasakep na situt sinirungat langit. Temed yay matuud, egay pudir yat aken.

Juan 16:2

Siguradu yang awaꞌen i pagkaJudio mi. Mabut i timpu nga in siyu-siyuy mimatay it imyu, kat pasepsep ya, tanud ya magayeng ipagsirbi duꞌun it Ampuꞌang Diyus i pagbuwaten ya ngayti.

Juan 18:30

Katubag i mga Judio ngayti, maat nira, “Simpri in ega maraꞌe-raꞌet i pagbuwaten it itung taw, ega ipaꞌalima namen kanya it imu.”

Juan 19:6

Pagkalteg it kanya it mga pagbayaꞌen ngaytit mga sasirduti baw mga guwardiya ngayti, igiyaꞌuy nira na nga magꞌaat, “Iransang kanya duꞌun it krus! Iransang kanya duꞌun it krus!” Tubagen sira ni Pilato, “Tabanen mi na kanya! Baalaꞌ kamu paransang! Ka talagang egay magkaparagan ku nga kasalaꞌan ya.”

Juan 5:23

isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Juan 8:46

Ka siyu it imyu i magkamatuud nga nagkasalaꞌan aku? In talagang kamatuudan i pagꞌaaten ku, unuka ega pagpamayaꞌnen mi aku?

Juan 8:49

“Daꞌku baytu pagpapulpugun it maraꞌe-raꞌet,” maat ni Jesus ngayti. “Paggalangen ku talagay Amaꞌ ku, temed kamu, egay galang mit aken.

Juan 9:16

Maat i beken nga mga Pariseo ngayti, “Talagang ega garing duꞌun it Ampuꞌang Diyus i iyang taw, sabap it ega pagꞌintindiyen yay Aldaw it Kapaꞌnaan ngaytu.” Temed beken, magꞌaat gasiꞌ nga magꞌuꞌunu makabwat it atkaytung mga tandaꞌanan nga kalililuꞌang bagay i esang makasalaꞌan? Sikayti ega siꞌ magparag-paragen sira it pagsugiden.

Juan 9:25

Katubag siꞌ kanya, nga magꞌaat, “Ta ega bayan magkaꞌrutan ku in makasalaꞌan kanya baw ega. Basta iyan lamang i magkaꞌrutan ku, talagang beleg aku temed kayti magkalteg aku na. Daꞌku na beleg.”

Roma 8:3

Talagang, pagsunud it taw it mga urdin, ega ikapisit kataldengan kat panleteg it Ampuꞌang Diyus u ikaliꞌwan it taw kat pamegbeg it kasalaꞌan. Ka egay magkasunud it kaꞌustuꞌan it mga urdin ngaytu, sabap it singkadan tang kaꞌiꞌirgan nga maraꞌe-raꞌet nga magbabanwa na kat muꞌsang taw. Temed maski atkayan, may ipiyabetang-betang it Ampuꞌang Diyus nga yanay nakapabaraꞌ it ega ngayan nakapabaraꞌ it pagsunud it taw it mga urdin. Ka binwat it Ampuꞌang Diyus, ipiyalampud ya i sadili yang Anak nga nagbalyung taw isaꞌun kasbung nga banar it aten nga makasalaꞌan. (Temed kanya, egay kakasalaꞌan.) Bawnga, kat binwat ya nga tiyanggung ya i kasalaꞌan tami nga mga taw, riyanggaꞌ ya talaga i pamegbeg it aten it kasalaꞌan.

2 Corinto 5:21

Ka, maski egay kakasalaꞌan ni Cristo, ipiyabetang kanya it Ampuꞌang Diyus nga makasalaꞌan sabap it aten nga mga taw, isaꞌun mapakay nga ipabetang ya kita nga mataldeng kat panleteg ya sabap it kamataynen ni Cristo ngayti.

Josue 7:19

Pagkaꞌanu kayti inaat ni Josue si Acan ngayti, “Dunguꞌ, kayti kat adapan ka it AMPUꞌANG DIYUS it Israel. Kaꞌilangan isugid mu i kamatuudan. Egay itaguꞌ mu nga maski unu. Unu nga matuud i binwat mu?”

Mga Ipiyalteg 11:13

Bawnga sakaling yimnegyeg nay lugtaꞌ it ereꞌeret nga keseg, aypaꞌ ka gimnesneb i ikasang pulung bagiꞌ it siyudad ngayti. Pitung ribu i kadakel it taw nga natay. Iyan naꞌped nga mga taw, namagꞌiꞌlam na sirang ereꞌeret. Biyantug na niray Ampuꞌang Diyus nga duꞌun it langit.