Juan 9:22 - Tagbanwa

²² Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

Juan 9:22 Iomraidhean Croise

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 16:2

Siguradu yang awaꞌen i pagkaJudio mi. Mabut i timpu nga in siyu-siyuy mimatay it imyu, kat pasepsep ya, tanud ya magayeng ipagsirbi duꞌun it Ampuꞌang Diyus i pagbuwaten ya ngayti.

Juan 19:38

Ega naꞌlay, may miyabut na duꞌut ki Pilato ngayti nga esang taw nga taga Arimatea, ngaran ya si Jose. Esa kanya gasiꞌ nga magpamayaꞌ it ki Jesus, temed ega magpabisik-bisik ka magꞌiꞌlam it kaꞌibaan yang mga Judio. Inangut ya nga pisiꞌen yay bilug ni Jesus ka ilbeng ya. Ipiyalugut ni Pilato ngayti it kanya, aypaꞌ inaduꞌun ya na ka pinsiꞌ.

Juan 20:19

Iyan delem na it aldaw ngaytit Linggo, duꞌun nay mga alagad ngayti it seled it esang balay. Mamagsisiradu it magayen i mga talaꞌep ka magꞌiꞌlam sirat mga pagbayaꞌen nirang mga Judio. Sakaling naltegan nirang magtitindeg si Jesus duꞌut piyagtenga-tengaꞌan nira! Maat yat kanira, “Ayaw kamut iꞌlam. Pasagyaen mi nay nakem mi.”

Juan 7:13

Temed yanayti, ega ipagpabusak-busak nira duꞌun it kadadaklan ka magꞌiꞌlam sirat mga pagbayaꞌen nira.

Juan 9:18

Ega magpamayaꞌ i mga pagbayaꞌen ngaytit mga Judio nga beleg kanya it tagnaꞌ paꞌ bawnga piyagayen, aypaꞌ ka ipiyatawag niray mga giyaringan ya.

Juan 9:21

Temed ega magkaꞌrutan namen in unuka magkalteg na kanya kayti, baw ega gasiꞌ magkaꞌrutan namen in siyuy nagpagayen ngaytit kanya. Magayen kanya nay ingkutun mi, tutal ega na waꞌwaꞌ kanya. Makasugid ya nayan it magayen i pasar it bilug ya.”

Juan 9:34

Kaꞌampang siꞌ i mga Pariseo ngayti, maat nira, “Ipiyanganak ka nga makasalaꞌan nga banar. Kayti ikaw pay manulduꞌ it amen!” Pagkaꞌampang nira kayti, inimugaw na nira.

Juan 9:35

Nabaritaꞌan ni Jesus nga taw ngayting beleg nga piyagayen ya, inimugaw nat mga Pariseo. Pagkaparag ni Jesus it kanya, iningkut ya nga magꞌaat, “Unu, magpamayaꞌ ka it kanya nga Taga Langit nga Ipiyanganak it Taw?”

Mga Binwat 4:18

Egay beken, tiyaꞌwagan nira siꞌ na Pedro ka riyaparan sira nga ega na manuturan u manulduꞌ pat sumaꞌup pasar it ki Jesus.

Mga Binwat 5:13

Temed iyan beken nga ega paꞌ namayaꞌ, ega magkaꞌurum paragi-ragiꞌ duꞌun. Takaꞌ pagdaya-dayawun nira i mga magpamayaꞌ ngayti.

Mga Binwat 5:40

Pagkagneg nira kayti, napakay naga sira. Temed piyasled nira naga i mga apustul ngayti ka piyamagtiꞌkulan. Baw parabir piyaliꞌwan nira, piyaar nira siꞌ nga ega na sumaꞌu-saꞌup it manulduꞌ pasar it ki Jesus ngayti.

Mga Ipiyalteg 21:8

Temed ta, talagang makuriꞌ nga banar i mabetangan it iyan magꞌiꞌlam mamayaꞌ, mga nangindiꞌ it pamayaꞌ, mga nagpasaga-saga it mga maraꞌway nga pagbuwaten, mga mangingimatay it masigkataw, mga mapiyamakun duꞌun it ega asawa nira, mga may kepetan nga pananamayaꞌ, mga magsirbi it diwata u maski unu nga ganti nirat Ampuꞌang Diyus, baw muꞌsa nga maꞌaꞌambut. Sira ngaytung muꞌsa, egay pagduwa-duwa nga italpak duꞌun it maglalapnaw nga magsugu nga asupri, nga iti nay paꞌaaten nga ikadwang kamataynen.”