Juan 9:18 - Tagbanwa

¹⁸ Ega magpamayaꞌ i mga pagbayaꞌen ngaytit mga Judio nga beleg kanya it tagnaꞌ paꞌ bawnga piyagayen, aypaꞌ ka ipiyatawag niray mga giyaringan ya.

Juan 9:18 Iomraidhean Croise

Genesis 19:14

Pagkagneg ni Lot kayti, nanliꞌwan kanya nga lagi. Inaduꞌun yay mga kamiyagadan ya nga mga asawa it mga anak ya nga babay. Maat yat kanira, “Dali-daliꞌen mi. Limꞌid tami situ kaytung rugar sabap ranggaꞌen naytu it AMPUꞌANG DIYUS!” Temed ega piyamayaꞌ kanya it mga kamiyagadan ya, ka tanu-tanud nira maglugud-lugud lamang kanya.

Isaias 53:1

Katubag i mga taw, “Subuk egay magpakimatuud it ipiyanuturan ngaytu it amen. Subuk egay tiyaꞌseb it in unu talagay pagpapuntuꞌan it mga pagbuwaten ngaytu kat keseg it guna it AMPUꞌANG DIYUS.

Lucas 16:31

Tiyubag siꞌ kanya ni Abraham, nga magꞌaat, ‘In talagang ega pagpakimatuudun niray mga isiyurat ngayti ni Moises baw mga prupitaꞌ gasiꞌ, simpri ega naga mapapamayaꞌ sira it maski esang patay na nga nagꞌegen manat paꞌuliꞌ.’”

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 5:44

Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Juan 9:19

Pagꞌabut, iningkut nira nga magꞌaat, “Unuytu, anak mi i itung taw, baw unu, pagsakit ya, beleg nga matuud? Ta unuka kayti ega na beleg kanya?”

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

Hebreo 4:11

Aypaꞌ paꞌres tami nga makaꞌuyut it kapaꞌnaan ngaytu, isaꞌun daꞌtami makasbung it beken ngayting mga Israelita nga nariga-riga lamang sabap it ega namagsunud it mga inaat it Ampuꞌang Diyus.