Juan 9:10 - Tagbanwa

¹⁰ “Ta magꞌuꞌunu ka nakalteg? Unuka daꞌka na beleg?” maat it mga taw ngayti.

Juan 9:10 Iomraidhean Croise

Marcos 4:27

Pagkatugdaꞌ ya, subuk piyabayaꞌan ya na, ka ipiyasigi ya lamang i aldaw-aldaw nga pagbuwaten. Temed timnubuꞌ naga baw kiminseg i itiyugdaꞌ ya ngayti, it ega magkaꞌrutan ya in magꞌuꞌunu.

Juan 3:9

Iningkut siꞌ ni Nicodemo, maat ya, “Tabing galang it imu, magꞌuꞌunu mabwat i atkayan?”

Juan 6:1

Nagtaꞌlib i pirang bulan, naꞌaduꞌun si Jesus it sang dipag it Lapnaw it Galilea, nga pagpangaranan gasiꞌ it Lapnaw it Tiberias.

Juan 9:11

Katubag i lalaki ngayti, “Iyan taw ngayan nga pagpangaranat ki Jesus, binwat ya, nagbuwat it rusuꞌ bawnga ipiyaꞌid ya situt mga mata ku ngaytu. Pagkapaꞌid ya, inaat ya aku, ‘Panaw, manraꞌmus ka duꞌut Siloe.’ Piyamayaꞌ kuy inaat ya ngaytit aken. Naꞌaduꞌun aku bawnga nanraꞌmus. Pagkaraꞌmus ku, ta, atkaytu na, nga magkalteg aku na.”

Juan 9:15

Siyumarya kanya it mga Pariseo it in magꞌuꞌunu magkalteg na kanya. “Ta yanayan baꞌ,” maat ya, “piyaꞌidan yat rusuꞌ i mga mata ku ngaytu, bawnga nanraꞌmus aku. Ta atkaytu na nga magkalteg aku na.”

Juan 9:21

Temed ega magkaꞌrutan namen in unuka magkalteg na kanya kayti, baw ega gasiꞌ magkaꞌrutan namen in siyuy nagpagayen ngaytit kanya. Magayen kanya nay ingkutun mi, tutal ega na waꞌwaꞌ kanya. Makasugid ya nayan it magayen i pasar it bilug ya.”

Juan 9:26

“Ta unuy binwat it taw ngayti it imu? Magꞌuꞌunu piyagayen ya ikaw?”

Juan 9:9

“Aaꞌ yanayan bayan!” maat it beken. “Bilaꞌ, ega!” maat i beken. “Nakaslun lamang bayay rupa ya.” Temed maat i lalaki ngayti, “Aku na ngaytu baytu!”

1 Corinto 15:35

Ta, barang may magpakiꞌambut nga magꞌaat, “Magꞌuꞌunu egnen it paꞌuliꞌ i bilug it mga miyatay? Magꞌuꞌunu-unu na i pamataw nira it narunut na i bilug?”