59 Pagkagneg nira kayti, nagsigkuꞌmit nay mga Judio ngaytit batu ka batuun na kanya. Temed nagpalingeb-palingeb na si Jesus duꞌut katataawan ka nanliꞌwan na duꞌun it Templo ngayti.
Bawnga ipiyabaraꞌ it duwa ngayting mga anghil nga, mga taw ngayting mamagliliput baw kuranggaꞌ na ngaytit talaꞌep, ega na magkakilalaan nira i magkaltegan seked naskedan it tulus i muꞌsa ngayti in ari nay salakwatan. Ega na magkaparagan nira.
Aypaꞌ it atkayti, ega na magpakilaꞌuk-laꞌuk si Jesus duꞌut iti nga mga Judio. Binwat ya, naꞌaduꞌun it Efraim, esang lansangan nga adeꞌdeng duꞌun it rugar nga kapupuyangtan. Duꞌun siꞌ kayti i tiyaꞌidan nira magꞌaꞌalagad.
“Aa bilaꞌ, Manigtulduꞌ,” maat it mga alagad ya ngayti. “Daꞌga baꞌ may kapira paꞌ kayti, pagkubatuun ka ngayat mga pagbayaꞌen tami nga mga Judio? Ta unuka kuꞌaduꞌun ka siꞌ?”
Aypaꞌ mintras situt imyu i paꞌaaten ngaytu nga tidaw, kaꞌilangan nga pasakep kamu nat kanya, isaꞌun magkapangaꞌgenan kamu nga pirmi kat eyag it tidaw ngaytu.” Pagkaꞌampang ni Jesus kayti, nagliꞌid na kanya.
Maat siꞌ ni Pilato, “Pabayaꞌen mi naga kanya. Baalaꞌ kamu mukuman uyun duꞌun it kasuratan mi.” “In maat daꞌga,” maat it mga Judio ngayti, “egay pudir namen it mukuman it ukuman nga kamataynen kat maski siyu.”