Juan 8:55 - Tagbanwa

⁵⁵ Talagang ega magkakilalaan mi kanya. Temed aku, kilalang-kilala ku kanya. Ka in aaten ku nga ega kilala ku kanya, maꞌambut aku nga subung it imyu nga maꞌambut. Temed iyan i matuud it kilala ku kanya. Pagsunudun baw pagpanindegan ku i kumpur pagꞌaaten ya.

Juan 8:55 Iomraidhean Croise

Mateo 11:27

Pagkapanalangin, maat ya siꞌ, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.

Lucas 10:22

Bawnga inaat ni Jesus i kadakel ngayti, nga maat ya, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.”

Juan 1:18

Talagang garing paꞌ it tagnaꞌ, egay maski siyu nga nakalteg it Diyus Amaꞌ. Temed kayti subuk naltegan ta na kanya, ka ipiyaꞌyag nat aten it paeꞌesa-esa ngaytu nga pagmaꞌa-maꞌalen yang Anak i pasar it Diyus Amaꞌ ngaytu.

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 15:21

Temed paribasay ega magkakilalaan nira i nagtaꞌeg it aken it paꞌasitu, aypaꞌ pakuriꞌan nira yan kamu sabap it pamayaꞌ mit aken.

Juan 16:3

Talagang buwaten niraytu sabap it ega magkakilalaan nira aku, atnagay Amaꞌ.

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Juan 6:46

Egaytu ireg sugiden may nakalteg na it Amaꞌ, ka iyan lamang gimnaring duꞌun it Ampuꞌang Diyus i nakalteg it Amaꞌ ngaytu.

Juan 8:19

Pagkagneg it mga taw ngayti, miningkut sira nga magꞌaat, “Ay ari bayan i Amaꞌ mu ngayan? Ari pagꞌaꞌanuꞌan ya?” Tumubag si Jesus, maat ya, “Yay matuud, it ega naga kilala mi aku, simpri ega naga kilala mi i Amaꞌ ku. In beteꞌ magkakilalaan mi na aku, simpri makilalaan mi naga gasiꞌ kanya.”

Juan 8:29

Pirmi nga iba ku i nagtaꞌeg it aken. Ega pagpablagan ya aku, sabap it iyan i pirmi ku nga pagbuwaten, iyan nga magkasagyaan ya.”

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

Juan 8:51

Kamatuudan tuy pagꞌaaten ku ngaytu, nga in siyu-siyu nga magpangaꞌgenan uyun kat mga ipagtulduꞌ ku ngaytu, ega na labayen yay kamataynen.”

Juan 8:52

Inaat siꞌ kanya it mga Judio ngayti, “Daꞌga baꞌ maꞌyag na nga magpulpug ka! Ka naꞌlay nang natay si Abraham baw mga prupitaꞌ. Ta unuka magkaꞌaat mu nga ega matay it seked kaꞌnu-kaꞌnu i in siyu-siyu nga magpangaꞌgenan uyun kat mga ipagtulduꞌ mu?

Mga Binwat 17:23

Ka, iyan magpanaw-panaw aku nga magpanleteg-leteg it mga tiyaw-taw nga pagsambaen mi situ, may napsagan ku nga pagsusuratan it magꞌaat, ‘Pabatuꞌ it diyus nga ega paꞌ kilala tami.’ Ta kayti, yanaytuy ipagpangadal ku ngaytut imyu, itiꞌen ngayting Diyus nga maat pagsambaen mi, lamang ega paꞌ magkakilalaan mi.

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

1 Juan 1:6

In maat ta, magpakiꞌiba-iba ta na it kanya, temed magpangaꞌgenan ta paꞌ kat kadleman, ka magsisigi paꞌ nga magbuwat it kasalaꞌan, magꞌambut ta lamang. Daꞌta magpangaꞌgenan nga uyun kat kamatuudan.

1 Juan 2:22

Siyu i paꞌaaten ngaytung maꞌambut, in daꞌga iyan magpaliꞌwan nga si Jesus, ega kanyay Cristo ngayting Manriribring Adiꞌ nga isiyanggup it Ampuꞌang Diyus? Atkaytu nga taw i paꞌaaten nga kakuntraꞌ ni Cristo ngayti, kanya nga magpandaꞌga it Diyus Amaꞌ baw Anak ya nga si Jesu-Cristo.

1 Juan 2:4

In may magꞌaat nga, “Kilala ku nayan kanya,” temed ega magsunud it mga urdin ya, ambut ya lamang. Talagang egay uru-urut yat kamatuudan.

1 Juan 5:10

Aypaꞌ siyu-siyuy magpamayaꞌ baw magsarig it Anak it Ampuꞌang Diyus, pagsisiguruun ya kat nake-nakem ya nga talagang matuud i pamatuud ngaytut Ampuꞌang Diyus. Temed iyan ega magpamayaꞌ it pamatuud ngaytut Ampuꞌang Diyus, egay beken, pagpakiꞌambutun yay Ampuꞌang Diyus ngaytu, ka ega pagpamayaꞌnen yay ipagpamatuud ya pasar it Anak ya.

Mga Ipiyalteg 3:9

Pagnegan mit magayen i iꞌaat kut imyu. Paꞌadapen kut imyu i mga taw ngayan asan nga maꞌambut ka magbete-beteꞌ nga mga taawan ku sira temed yay matuud, sang siraan yan nga magsirbi it ki Satanas. Pasaluduꞌun ku nga manluud sira kat adapan mi. Sikayan maꞌrutan nira nga talagang pagmaꞌalen baw pagrarasan ku kamu.