Juan 8:52 - Tagbanwa

⁵² Inaat siꞌ kanya it mga Judio ngayti, “Daꞌga baꞌ maꞌyag na nga magpulpug ka! Ka naꞌlay nang natay si Abraham baw mga prupitaꞌ. Ta unuka magkaꞌaat mu nga ega matay it seked kaꞌnu-kaꞌnu i in siyu-siyu nga magpangaꞌgenan uyun kat mga ipagtulduꞌ mu?

Juan 8:52 Iomraidhean Croise

Mateo 11:18

Subung kamuy imyu it kanira, ka ega gasiꞌ magkapakay mi i maski unu. Sabap si Juan, magpuwasa kanya baw ega magꞌinum it irimnun nga kalalangu. Ta, pagꞌaaten it katataawan nga pagpapulpugun kanyat maraꞌe-raꞌet.

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 14:23

Katubag si Jesus, maat ya, “Iyan may pagmaꞌal it aken, simpri sunudun yay mga pagꞌaaten ku. Maꞌalen kanya it Amaꞌ ku, baw mamirmiyan kami magꞌAmaꞌ asat kanya nga kaꞌiba-iba ya nang pirmi.

Juan 15:20

Dedemdemen mi i ipiyagꞌaat ku ngaytut imyu nga egay manigsirbi nga mataꞌas pat agalen ya. In aku, pagpakuriꞌan nira, simpri kamu atkayan naga yan, pakuriꞌan nira gasiꞌ. In pagsunudun niray ipagpanulduꞌ ku, sunudun nira gasiꞌ yan i imyung mga ipagpanulduꞌ.

Juan 17:6

“Ipiyakilala ku ikaw kat mga taw nga ibinggay mut aken kat kadaklan sinit banwa ngayni. Sira ngaytu, imu. Ibinggay mu lamang it aken, baw pagsunudun niray mga ampang mu.

Juan 7:20

Maat it kadakel ngayti, “Pagsasaruman ka baytut maraꞌe-raꞌet! In daꞌga pagsasaruman ka, siyuy kuꞌimatay it imu?”

Juan 8:22

Pagkagneg nira, namagrunding na sira, nga magꞌaat, “Barang sayan mangeget kanya. Yay paꞌaaten ya ngayang daꞌta kapaꞌaduꞌun it aduꞌunan ya ngayti.”

Juan 8:48

Inaat siꞌ si Jesus it mga Judio ngayti, “Daꞌga baꞌ matuud i pagꞌaaten namen nga Samaritano ka, baw pagpapulpugun ka it maraꞌe-raꞌet?”

Juan 8:51

Kamatuudan tuy pagꞌaaten ku ngaytu, nga in siyu-siyu nga magpangaꞌgenan uyun kat mga ipagtulduꞌ ku ngaytu, ega na labayen yay kamataynen.”

Juan 8:55

Talagang ega magkakilalaan mi kanya. Temed aku, kilalang-kilala ku kanya. Ka in aaten ku nga ega kilala ku kanya, maꞌambut aku nga subung it imyu nga maꞌambut. Temed iyan i matuud it kilala ku kanya. Pagsunudun baw pagpanindegan ku i kumpur pagꞌaaten ya.

Juan 9:24

Aypaꞌ ka ipiyatawag nira siꞌ i beleg ngayti, ka iningkut nira siꞌ nga magꞌaat, “Kayti pagdedngegen kat Ampuꞌang Diyus. Aypaꞌ isugid muy kamatuudan, ka urut namen nga makasalaꞌan i iyang taw.”

Hebreo 11:13

Sira ngaytung siyanggupan, seked it aldaw nga natay sira teꞌteꞌ talagay pamayaꞌ nirat inaat it Ampuꞌang Diyus. Ka maski ega nagꞌabut kat timpu nira i mga isiyanggup yat kanira temed atnat magkalawag na nira baw pagpaꞌbutun nira it masagyay nakem. Talagang natantuwan nira nga sira, dumadayuꞌ lamang baw subung lamang sira it magpangintataawan situt banwa.

Hebreo 2:9

Temed itu na talaga i miyabut. Kat dekeyeꞌ nga timpu binwat gasiꞌ si Jesus nga mababaꞌ pat mga anghil isaꞌun, kat kadakulat ildaw it Ampuꞌang Diyus it aten, lumabay si Jesus it kamataynen nga tanggungun ya i kasalaꞌan tami nga muꞌsa nga mga taw. Temed lamang ipiyabetang kanya it atkayan, yan nagang binggayan kanya it kabantugan baw pagkamataꞌas sabap it kamataynen ya ngayti.