Juan 8:49 - Tagbanwa

⁴⁹ “Daꞌku baytu pagpapulpugun it maraꞌe-raꞌet,” maat ni Jesus ngayti. “Paggalangen ku talagay Amaꞌ ku, temed kamu, egay galang mit aken.

Juan 8:49 Iomraidhean Croise

Juan 11:4

Pagkatuturan duꞌut ki Jesus, maat ya, “Ega bayan kamataynen i baraꞌan it iyan nga sarut. Nagꞌabut lamang yan isaꞌun mabantug i Ampuꞌang Diyus baw sabap gasiꞌ it ikabantug it Anak it Ampuꞌang Diyus.”

Juan 12:28

Pagkaꞌampang ni Jesus kayti, maat ya, “Amaꞌ, ipalteg muy kadakulat kabantugan mu.” Bawnga may nagnegan it kadakel ngayti nga gaꞌmaran nga garing duꞌut langit, nga magꞌaat, “Ipiyalteg ku na, temed ipalteg ku sit sumaꞌup i kabantugan ku.”

Juan 14:13

Baw in unuy angutun mi kat keseg it pakilagpit mit aken, talagang buwaten ku yan, isaꞌun maltegan i kabantugan it Amaꞌ kat buwaten ku nga Anak ya.

Juan 17:4

Ipiyalteg ku na sinit sinirungat langit i kabantugan mu ka nakumplitu ku nay kumpur ipagpabwat mut aken.

Juan 7:20

Maat it kadakel ngayti, “Pagsasaruman ka baytut maraꞌe-raꞌet! In daꞌga pagsasaruman ka, siyuy kuꞌimatay it imu?”

Juan 8:29

Pirmi nga iba ku i nagtaꞌeg it aken. Ega pagpablagan ya aku, sabap it iyan i pirmi ku nga pagbuwaten, iyan nga magkasagyaan ya.”

Mga Binwat 5:41

Ta it atkayti i nabetangan it mga apustul, masagyang-masagya sirang gimnaring duꞌun it Sanedrin ngayti, ka binggayan sirat Ampuꞌang Diyus it galang, ka piyalabay ya sira it kaꞌeꞌyaꞌan sabap it pakilagpit nirat ki Jesus.

1 Corinto 11:14

Daꞌga baꞌ singkadan tang lagi nga kaꞌeyaꞌ-eyaꞌ it lalaki i magpaꞌabwatay it buꞌuk,

1 Corinto 15:43

Ega na magayen nga pagletganan baw ega nay kakayaan it bilug nga ipaglebeng, temed in egnen nat paꞌuliꞌ ega babasta-bastaen i kagayenan baw kakayaan ya.

1 Pedro 2:23

Ka iyan diniyampaꞌ kanya, piyataꞌnan ya lamang. Iyan piyakuriꞌan na kanya, ega nabngaꞌ i baꞌbaꞌ yat “Sadi na!”. Ipiyataꞌan ya lamang duꞌun it Ampuꞌang Diyus, kanya nga ega basta-bastang Manigꞌukuman nga mataldeng.