Juan 8:47 - Tagbanwa

⁴⁷ Iyan kat Ampuꞌang Diyus nga mga taw, talagang magpagneg sira it ampang ya. Temed daꞌkamuy imyu kat Ampuꞌang Diyus. Aypaꞌ ka daꞌkamu magpagneg it ampang ya ngaytu.”

Juan 8:47 Iomraidhean Croise

Juan 12:48

May mukuman yan it kumpur magpandaꞌga it aken baw ega magpamayaꞌ it mga inampang ku. Iyan mga ampang ngaytu nga nakasugid ku na, iyan i mukuman it kanya asan it umur it banwa.

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Juan 5:25

Ituy kamatuudan, mabut i timpu, kayti na ngaytu, nga magnegan it mga sakep it kamataynen i gaꞌmaran it Anak it Ampuꞌang Diyus, baw iyan nga pagneg baw sumunud, magꞌegen.

Juan 6:65

Paꞌugdun ya paꞌ nga inaat, “Ta it may ega naga magpamayaꞌ it aken, aypaꞌ ka ipiyagꞌaat kut imyu nga egay makapasakep it aken magpuyra it ildawan kanya it Amaꞌ.”

Juan 8:37

Talagang urut ku nga mga tungtung-inapuꞌ kamu naga ni Abraham. Temed paribasay lamwat kamu, nga ega pagꞌintindiyen mi i mga ipagpanulduꞌ ku ngaytu, pagpaꞌresan mi aku nga maꞌimatay.

Juan 8:43

Unuka ega magkasepsepan mi i pagꞌaaten ku? Sabap siguru it ega kutanggapen mi i ipagpangadal ku ngaytu.

Juan 8:45

Temed paribasay kamatuudan i ipagsugid ku, aypaꞌ ka ega pagpamayaꞌnen mi aku!

1 Juan 3:10

Sikaytu ta makilalaan in siyu may siyu i bilang anak nat Ampuꞌang Diyus, baw siyu pay bilang anak ni Satanas. Iyan nga ega magpaꞌres it muwat it kataldengan kat panleteg it Ampuꞌang Diyus baw egay raras yat sulsug ya kat pamayaꞌ, siguradung ega yan anak it Ampuꞌang Diyus.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

2 Juan 1:9

Iyan ega magpaneꞌteꞌ kat panulduꞌ ni Cristo, ka magpasaꞌli ga, talagang alaid kanya duꞌun it Ampuꞌang Diyus. Takaꞌ in siyu-siyuy magpaneꞌteꞌ kat panulduꞌ ngaytu ni Cristo, talagang pagteꞌteꞌan kanya it Diyus Amaꞌ baw Anak.

3 Juan 1:11

Pagmaꞌaleng iba-iba, ega mu guruun i maraꞌe-raꞌet nga buwat it beken, in daꞌga ari-ari magayen, iyan i imu. Ka iyan magbuwat it magayen, magpakiꞌuyun kanyat Ampuꞌang Diyus. Temed iyan magbuwat ngayat maraꞌe-raꞌet, ega yan nakatantu it in unuy adat it Ampuꞌang Diyus.