Juan 8:46 - Tagbanwa

⁴⁶ Ka siyu it imyu i magkamatuud nga nagkasalaꞌan aku? In talagang kamatuudan i pagꞌaaten ku, unuka ega pagpamayaꞌnen mi aku?

Juan 8:46 Iomraidhean Croise

Mateo 21:25

Ari giyaringan it pudir ni Juan nga mamawtis? Unu, duꞌun it Ampuꞌang Diyus u duꞌun it mga taw?” Pagkagneg nira kayti, remeteng-retengan sira, “In aaten ta, ‘Garing duꞌun it Ampuꞌang Diyus,’ aaten ya siꞌ kita, ‘Ta unuka ega pagpamayaꞌnen mi kanya?’

Marcos 11:31

Pagkagneg nira kayti, remeteng-retengan sira, “In aaten ta, ‘Garing duꞌun it Ampuꞌang Diyus,’ aaten ya siꞌ kita, ‘Ta, unuka ega pagpamayaꞌnen mi kanya?’

Juan 14:30

Ega abwatayen ku nga pakisugi-sugid it imyu, ka magꞌaꞌabut na si Satanas nga magsasakep na situt sinirungat langit. Temed yay matuud, egay pudir yat aken.

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 16:8

Pagꞌabut it Espiritu Santo nga Manigtabang ngaytu, itanyag ya nga kamaliꞌ i pasepsep it mga taw nga ega magpamayat aken. Kamaliꞌ i pasepsep nira pasar it kasalaꞌan, kataldengan baw pangukuman it Ampuꞌang Diyus sabap it kasalaꞌan.

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Juan 8:47

Iyan kat Ampuꞌang Diyus nga mga taw, talagang magpagneg sira it ampang ya. Temed daꞌkamuy imyu kat Ampuꞌang Diyus. Aypaꞌ ka daꞌkamu magpagneg it ampang ya ngaytu.”

Juan 8:7

Mga magꞌingkut ngaytit ki Jesus, sigi-sigi nga ingkut nira. Ta it atkayti, timnindeg si Jesus bawnga miyampang, nga magꞌaat, “In siyu manggid it imyu i egay kakasalaꞌan, iyan i mapakay nga muꞌna nga muntal it kanya it batu.”

2 Corinto 5:21

Ka, maski egay kakasalaꞌan ni Cristo, ipiyabetang kanya it Ampuꞌang Diyus nga makasalaꞌan sabap it aten nga mga taw, isaꞌun mapakay nga ipabetang ya kita nga mataldeng kat panleteg ya sabap it kamataynen ni Cristo ngayti.

Hebreo 4:15

Itu, Ega ngaytu Basta-basta nga Sasirduti tami, magkasanguꞌan ya kitang banar kat mga kalubayan ta nga magtaban it aten duꞌut kasalaꞌan, sabap kanya, naglabay nagat muꞌsang mga sukdan nga magꞌabut it aten nga taw. Temed kanya, ega nagkasalaꞌan.

Hebreo 7:26

Kanya i Piyakamataꞌas nga Sasirduti nga bagay talaga it aten nga kaꞌilangan. Ka alaid nga pirmi i nakem ya kat muꞌsang kasalaꞌan. Ega talagay karaꞌe-raꞌetan nga magpangbit kat nakem ya, baw egay maski unu nga magkaꞌiway it kanya. Dakulay piyagbelagan it kanya baw aten nga makasalaꞌan baw kayti, binggayan na kanyat Ampuꞌang Diyus it piyakamataꞌas nga pudir duꞌun it langit.

1 Pedro 2:22

Ega talagay maski unu nga kasalaꞌan nga binwat ni Cristo. Maski ampang nga aꞌakal, talagang egay namuyaan duꞌut kanya.