Juan 8:42 - Tagbanwa

⁴² “Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

Juan 8:42 Iomraidhean Croise

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 12:49

Sabap egay pagꞌampangen ku nga pagsadiliyen ku lamang, in daꞌga iyan Amaꞌ nga nagtaꞌeg it aken it paꞌasitu, iyan i magꞌaat in unuy ampangen ku baw ipaꞌyag ku.

Juan 13:3

Urut talaga ni Jesus nga ibinggay nat kanya it Amaꞌ i muꞌsang pudir. Baw urut ya nga kanya, egay beken nga giyaringan ya, duꞌun it Ampuꞌang Diyus, baw duꞌun nagat Ampuꞌang Diyus i uliꞌan ya.

Juan 14:10

Unu, daꞌka magpamayaꞌ nga aku baw Amaꞌ ku, sang kagina-ginawaan kami? Iyan mga pagꞌampangen ku ngaytu nga ipagꞌaat kut imyu, egaytu pagsadiliyen ku na lamang, in daꞌga iyan Amaꞌ nga kasagpun kut ginawa ku, iyan i magbuwat it mga buwaten ya ngaytu.

Juan 16:30

Kayti magkaꞌrutan namen nga urut mu nay muꞌsang bagay. Ega kaꞌilangan mu nga ingkutun ka it maski siyu isaꞌun maꞌrutan mu in unuy kat pikir ya, sabap maski ega paꞌ ipiyalbaw yay kuꞌingkutun ya, urut mu nang lagi. Sikayan pagpamayaꞌnen namen na nga talagang ikaw, garing nga matuud duꞌun it Ampuꞌang Diyus.”

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 5:23

isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Juan 5:43

Naꞌasitu aku ka siyarigan aku it Amaꞌ ku, temed ega pagtanggapen mi aku. Lamang yan atkayan, in may beken nga paꞌasitu kat sadili yang kaꞌirgan, tanggapen mi yan.

Juan 8:14

Katubag si Jesus it kanira, maat ya, “Maski maat mi sadi-sadili ku i pamatuud ku it bilug ku, temed matuud tuy pagꞌaaten ku ngaytu, sabap urut ku in ari giyaringan ku baw in ari aduꞌunan ku. Temed kamu, ega magkaꞌrutan mi in ari giyaringan ku baw in ari aduꞌunan ku.

1 Corinto 16:22

Rigaen it Ampuꞌang Diyus it ega pateng nga panriga i maski siyu nga egay kamatuudan nga pagmaꞌal ya it Ampuꞌan. Mabut ka na sana, Ampuꞌan namen!

Galacia 4:4

Temed iyan naꞌbut nay ipiyagtirminu nga timpu, tiyaꞌeg it Ampuꞌang Diyus i Anak ya nga paꞌasitu. Nagbalyu kanya nga taw nga ipiyanganak it esang babay, baw nangaꞌgenan kanya kat pagpasakep it mga ipiyagꞌurdin it Ampuꞌang Diyus duꞌun it mga Judio,

1 Juan 4:14

Baw kami ngaytu, talagang naltegan namen i Anak it Ampuꞌang Diyus, baw ipagpamatuud nga tiyaꞌeg it Diyus Amaꞌ i Anak ya ngaytu, nga kanyay Manriribri it muꞌsang taw situt sinirungat langit.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.

Mga Ipiyalteg 22:1

Ipiyalteg gasit aken it anghil i magburus nga danum nga magbegay it kaꞌgenan. Talagang maliꞌgaw nga maliꞌgaw subung nat pirmirang salamin. Magtumbud ti duꞌun it araꞌdungan it Ampuꞌang Diyus baw paꞌaaten ngaytung Uꞌuybun it Tupa kat pagkaꞌadiꞌ nira.