Juan 8:40 - Tagbanwa

⁴⁰ Ka ungaytu ga, masyaduy kuꞌimatay mit aken, it ipagsugid ku lamang i kamatuudan nga nagnegan ku duꞌut Ampuꞌang Diyus. Ega yan atkayan i ki Abraham nga buwat.

Juan 8:40 Iomraidhean Croise

Juan 7:1

Ega naꞌlay napanaw siꞌ na Jesus, nanlekep-lekep it Galilea. Pagtemden yang ega paꞌ paꞌaduꞌun it Judea ka kuꞌimatayen kanyat mga pagbayaꞌen it mga Judio duꞌun.

Juan 8:26

“Talagang dakulay maꞌaat ku baw mabetanganan kut ukuman kuntraꞌ it imyu. Temed it matuud i pagꞌaaten it nagtaꞌeg it aken baw in unuy magkagnegan ku nga pagꞌaaten ya, iyan i ipagsugid ku situt banwa ngaytu.”

Juan 8:56

Nakasagyay amaꞌ mi nga si Abraham iyan naꞌrutan ya nga maltegan yay aldaw it pamaꞌasitu ku. Talagang naltegan ya, aypaꞌ ka nakasagya kanya.”

Roma 4:12

Subung naga, kanyay piyakaꞌamaꞌ it muꞌsang mga Judio nga ega lamang naturiꞌan, in daꞌga tingled duꞌut Ampuꞌang Diyus i pamayaꞌ baw pagsarig nira, subung nagat puꞌun-puꞌun nira nga si Abraham, maski ega paꞌ turiꞌ kanya.

Galacia 4:16

Baw ta unu, kayti, ipabetang mi na aku nga kakuntraꞌ mi sabap it ipagsugid kut imyu i kamatuudan?

Galacia 4:29

Takaꞌ subung nagat tagnaꞌ ngayting timpu nga, iyan ipiyanganak kat guna it Espiritu Santo, piyakuriꞌan it iti nga ipiyanganak sabap it paꞌiguꞌ-iguꞌ it taw, atkayan naga kayti. Ka mga inanak nat Ampuꞌang Diyus sabap it pamayaꞌ nirat ki Cristo, pagkuntraꞌen it mga pagꞌuꞌuripnen pat pagsunud nirat mga urdin ni Moises.

Mga Ipiyalteg 12:17

Ta, kat kadakulaꞌ it iseg it dragon it babay ngayti, paꞌugadan ya nga giraen i beken nga mga tungtung-inapuꞌ it babay ngayti. Itung mga taw, sira nga mamagsunud nga banar it kaꞌirgan it Ampuꞌang Diyus baw ega mamagpangindiꞌ kat kamatuudan nga ipiyatantu it Ampuꞌan nga si Jesus.

Mga Ipiyalteg 12:4

Pagleteg ku, kiyaut it ikug yay ikatlung bagiꞌ it mga bituꞌun bawnga iꞌinlug yang muꞌsa situt banwa. Bawnga binwat ya siꞌ, timnindeg kanya duꞌun it saru-sarungaan it babay ngayti nga pagsaꞌgidan, ka pagꞌapaꞌan yay sumakit i waꞌwaꞌ ka sangwapen ya.